Ռադիո «Բզեզ». ապրիլմեկյան թողարկում

Ապրիլմեկյան թողարկման եթերում լսեք, թե ով այնպիսի սուտ կասի, որ ասեք սուտ է:

Advertisements

Աղայանական-ռոդարիական նախագիծ-ստուգատես

samvelaxՄարտի 4-ից ապրիլի 12-ը աղայանական-ռոդարիական օրեր են:

Նպատակը

Ռոդարիական հնարք-մեթոդները՝ զարգացնելով ստեղծագործական մտածողությունը կնպաստեն  սովորողների ինքնուրույն մտածելու, դիտարկելու, ուսումնասիրելու, անսովոր լուծումներ գտնելու կարողությունների զարգացմանը՝ կիրառելով ու զարգացնելով մեդիահմտությունները:

Խնդիրները՝ Շարունակել կարդալ “Աղայանական-ռոդարիական նախագիծ-ստուգատես”

Բլոճ տատիկի ծննդյան օրը

32792455_1802939389758934_3322812198853541888_nԱյս պատմությունները սովորողները հորինեցին, երբ ընթերցեցին ու քննարկեցին Դոնալդ Բիսեթի «Փիլիսոփա Բլոճը և մյուսները» հեքիաթը:

# 1

Բլոճ տատիկի ծնունդը հունվարի երեսունին էր: Նրա ծնունդին եկել էին բոլոր միջատները: Ծննդյան տորթը երկու հարկանի էր, վրան կային շատ ծաղիկներ ու տերևներ: Տորթի վրա գրված էր տատիկի անունը՝ Ռուզաննա: Բլոճ տատիկը իր ծնունդը նշում էր բլոճների սրճարանում: Տորթի մոմերը փչելիս նա երազանք էր պահել, որ շատ երկար ապրի: Նրա երազանքը կատարվեց ու Բլոճ տատիկը երկար ապրեց:

Լիլիթ Աղասարյան

# 2

Բլոճ տատիկի ծննդյան օրը հունվարի վեցին էր: Նա դառնում էր ութ տարեկան: Բլոճ տատիկը շա՜տ ծեր էր, բայց չէ՞ որ նա շա՜տ փոքր էր: Նա փչեց մոմերը ու իր երազանքը այսպիսին էր. «Ես կուզեի, որ արագ սողալ կարողանայի»: Նրա երազանքը կատարվեց ու Բլոճ տատիկը շա՜տ ուրախացավ:

Վաչե Հովհաննիսյան

 

# 3

Երբ բլոճը եկավ տատիկի ծնունդին, իր հետ բերել էր նվեր: Բլոճը իր տատիկին նվիրեց գիրք: Բլոճ տատիկը շատ ուրախացավ ու սև բլոճին շոկոլադի փշուրներ հյուրասիրեց, իսկ հետո՝ տորթ:

Գագիկ Ղազարյան

# 4

Մի սև բլոճ իր կնոջ հետ պայմանավորվեց հանդիպել փողոցի քարի մոտ: Նրանք հանդիպեցին: Սև բլոճն իր կնոջը հարցրեց.

-Քո ծնունդը ե՞րբ է:

Նա ասաց.

-Ամռանն է:

Սև բլոճն ու իր կինը սպասեցին մինչև ծննդյան օրը եկավ: Նրանք ուրախացան, խոտով տորթ կերան, պարեցին: Եվ այդպես հեքիաթը վերջացավ:

Տիգրան Գալստյան

# 5

Բլոճ տատիկի ծննդյան օրը մայիսի տասնյոթին էր: Նրա ծնունդին եկավ վարդը ու հարցրեց.

-Բլոճ տատիկ, դու քանի՞ տարեկան ես դառնում:

Բլոճ տատիկը պատասխանեց.

-Երեսունհինգ:

Բլոճ տատիկն ու վարդը տորթ կերան: Վարդն ասաց.

-Տորթը շատ համեղ էր, Բլոճ տատիկ: Հաջողություն:

Ռուզաննա Ներսիսյան

# 6

Այսօր Բլոճ տատիկի ծննդյան օրն է, իսկ այսօր հունիսի քսանինն է: Բլոճ տատիկը դառնում էր +5999 տարեկան: Բլոճ տատիկի համար պատրաստել էին մեծ տորթ, որը հասնում էր մինչև լուսին: Նրա ծնունդին բազմաթիվ հյուրեր էին եկել: Նրանք երգեցին, պարեցինք, խաղացին, ուրախացան, իսկ տորթը տեսնելիս զարմացան: Տորթն այնքան մեծ էր, որ անտառի բնակիչներն երկու օր ուտում էին ու չէր վերջանում:

Էդմոն Սահակյան

 

Բառից պատմություն

Այս պատմությունները ծնվեցին Ղազարոս Աղայանի «Ամենաուժեղը» հեքիաթը ընթերցելուց հետո: Զրույց-քննարկումից հետո սովորողները գրել էին ուժեղ ու թույլ բառեր, որոնցից ընտրել ու կազմել էին բառային զույգեր՝ ընտրելով մեկ ուժեղ ու մեկ թույլ բառ: Ընտրված բառազույգերից նոր ու անսովոր բառակապեր փորձեցինք ստանալ: Ստացված բառակապերը, բառակապակցությունները դարձան պատմության վերնագրեր: Ահա այդ պատմությունները:

d5aed5a1d5a1d5b2d5afd5b8d5bf-d5bed5a1d5a3d680d5a1d5afd5a1d5bfd5b8d682

Ծաղկոտ վագրակատու

Լինում է, չի լինում մի Ծաղկոտ վագրակատու։ Երբ նա լողանում էր, մեծանում էր։ Մի օր Ծաղկոտ վագրակատուն հսկա դարձավ, որովհետև շատ էր լողանում։ Ծաղկոտ վագրակատուն տխրեց և դարձավ կանաչ։ Եվ նա ուրախացավ, որովհետև մարդիկ ուրախացան։ Բայց նա չդարձավ սովորական։ Սրանից հետո նրան անվանում էին Ծաղկականաչասար։

Գագիկ Ղազարյան

Կացնոտ ձու

Без названияԼինում է, չի լինում մի կացնոտ ձու:

Կացնոտ ձուն մարդ էր: Նա մրսում էր և ուզեց ծառը կտրել, որ կրակ անի:

Էնքա՜ն խփեց, էնքա՜ն խփեց, որ սուր ծայրը խորդուբորդ դարձավ և ինքն իրեն ասաց. «Կացնոտ ձու, ինչո՞ւ չես կարողանում ծառը կտրել: Ես մենակ կարող եմ քար կիսել»:

Խփեց քարին, սուր մասը կոտրվեց և մնաց միայն ձուն:

Տիգրան Գալստյան

Կատվոտ երկինքը

Без названия (1)Կար-չկար մի  երկինք կար: Մի օր այդ երկինքն ընկերանում է կատվի հետ: Մի մարդ նրանց անվանում է կատվոտ երկինք: Երբ կատուն ու երկինքն իմանում են այդ մասին՝ տխրում են: Հետո կատուն մի բան մտածեց ու երկնքին ասաց.

-Արի կռված ձևանանք:

Երկինքը համաձայնվեց: Դրանից հետո ամբողջ աշխարհը մոռացավ նրանց մասին: Նրանք նորից ընկերացան, բայց ոչ ոք չիմացավ այդ մասին: Ու այդ օրվանից նրանք հանգիստ ընկերություն արեցին:

Լիլիթ Աղասարյան

Ծառոտ մատիտը

Без названия (2)Կար-չկար մի մատիտ կար: Այդ մատիտը Անգելինայինն էր: Մի օր Անգելինան ինքն իրեն ասաց. «Այս մատիտը ձանձրալի է, պետք է նրան սիրունացնել, դարձնել ծառոտ»: Այդ մտքից հետո ծառոտ մատիտը զարմանալի էր, ոչ թե ձանձրալի:

Վիկտորյա Հայրապետյան

Без названия (4)

Կայծակոտ մուկը

Կար-չկար մի կայծակոտ մուկ կար: Մի օր կատուն ուզեց մկանը բռնել ու ուտել: Բայց հենց կպավ մկանը, կայծակը տվեց ու կատուն անհետացավ:

Ալեքս Փայասլյան

Մոլորակոտ աթոռը

Կար-չկար մի մոլորակ: Մի օր այդ մոլորակը նստեց աթոռին ու մնաց: Հետո իրեն ուժ տվեց ու պոկվեց աթոռից: Դրանից շատ էր ուրախացել, բայց մի քիչ փոշոտվել էր:

Ռուզաննա Ներսիսյան

Քարե կայծակը

Կայծակը վախեցավ քարից, ուժ առավ ու խփեց քարին: Քարը զարմացավ կայծակի ուժից, խփվեց մյուս քարերին ու փշրվեց:

Միսաք Մինասյան

 

Վինի-Թուխի և Կառլսոնի արկածները

Այս պատմությունները հորինել ենք երկու ստեղծագործական հնարք օգտագործելով, երբ երկու հեքիաթ խառնվում են ու հեքիաթների շիլաշփոթ է ստացվում, և երբ տրված է հեքիաթի սկիզբը, իսկ շարունակությունը հորինում են:

Եվ այսպես՝

Վինի-Թուխը, փուչիկից բռնած, կախվել է օդում: Որտեղից որտեղ հայտնվում է Կառլսոնը:

-Դու ո՞վ ես,- հարցրեց Վինի –Թուխը:
-Ես Կառլսոնն եմ :
-Իսկ ես Վինի-Թուխն եմ:
-Իսկ դու ի՞նչ ես անում այստեղ,- հարցրեց Կառլսոնը:
-Ես ուզում եմ մեղուներից մի քիչ մեղր վերցնել:

թուխն ու կառլսոնը
-Ա՜խ, դու բկլիկ, բայց ես էլ եմ սիրում մեղր:
-Դե արի միասին գնանք մեղր վերցնենք, պետք է շեղել մեղուների ուշադրությունը: Դու ցնցուղով ջուր կբերես և կլցնես նրանց վրա, իսկ ես ներքևից կկանչեմ.
— Հա՜-հա՜-հա՜, մեղուներ, դե եկե՛ք, ինձ բռնե՛ք: Մինչև նրանք ինձ մոտ գան, դու ինձ արագ կտանես մեղրի մոտ:
Եվ այդպես էլ արեցին: Հասան մեղրի մոտ, մեղրը վերցրեցին և գնացին Քրիստոֆեր Ռոբինի տուն մեղրով թեյ խմելու:

Հորինեց՝ Տիգրան Գալստյանը

Без названия (4)Վինի-Թուխը, փուչիկի բռնած, կախվել է օդում։ Որտեղից որտեղ հայտնվում է Կառլսոնը։ Կառլսոնը թռավ ու փրկեց Վինի-Թուխին:  Երբ Վինի-Թուխը իջավ շնորհակալություն հայտնեց Կառլոսնին, հետո նրանք ընկերացան ու զբոսնեցին անտառում։

Հորինեց Լիլիթ Աղասարյանը

0F49CBE9321841988BBF21A136324FC7

Հորինեց Էդմոն Սահակյանը

sketch-1525697145829Վինի-Թուխը, փուչիկից բռնած, կախվել է օդում։ Որտեղից որտեղ հայտնվում է Կառլսոնը։ Կառլսոնը տեսավ Թուխին և ուզում էր մոտենալ նրան, բայց հանկարծ ուժեղ քամին եղավ և  քշեց, տարավ Վինիի փուչիկը, իսկ Կառլսոնին քշեց հեռու անտառ։ Վինի Թուխի փուչիկը պայթեց և նա ընկավ ցած ու գնաց տուն ոտքով, իսկ Կառլսոնը մնաց անտառում կենդանիների հետ:

Հորինեց Հայկ Սիմոնյանը

Без названия (3)Վինի-Թուխը, փուչիկից բռնած, կախվել է օդում։ Որտեղից որտեղ հայտնվում է Կառլսոնը։ Նրանք ծանոթանում են իրար հետ և սկսում երկար զրուցել: Վինի-Թուխը ասում է, որ ցանկանում է մեղր գողանալ: Կառլսոնն էլ համաձայնվում է, որ միասին գողանան: Նրանք մոտենում են մեղվի փեթակին, սակայն ապարդյուն: Մեղուները հարձակվում են նրանց վրա և նրանք այդպես էլ մնում են առանց մեղր:

Հորինեց Աննա-Մարիա Վարդանյանը

Без названия (1)Վինի-Թուխը, փուչիկից բռնած, կախվել է օդում։ Որտեղից որտեղ հայտնվում է Կառլսոնը։ Կառլսոնը կախվեց օդում ու քաշեց փուչիկի թելից: Վինի-Թուխը կարողացավ իջնել ու շնորհակալություն հայտնեց Կառլսոնին: Կառլսոնն ու Վինի-Թուխը դարձան ընկերներ, ինչպես Մանչուկն ու Կառլսոնը, Վինի Թուխն ու Քրիստոֆեր Ռոբինը:

Հորինեց Վիկտորյա Հայրապետյանը

Без названия (21)Վինի-Թուխը, փուչիկից բռնած, կախվել է օդում։ Որտեղից որտեղ հայտնվում է Կառլսոնը։ Վինի-Թուխը Կառլսոնից օգնություն է խնդրում․

— Կառլսոն, Կառլսոն, օգնիր ինձ:

-Իսկ ի՞նչ անեմ:

-Դու կարողանում ես թռչել, թռիր ինձ մոտ և օգնիր իջնեմ։

Կառլսոնը թռավ, գրկեց Վինի-Թուխին և իջեցրեց ներքև։

Հորինեց Մհեր Սարգսյանը

Անսովոր, անհամաչափ պատկերներ

Ամեն ինչ սկսվեց, երբ զրուցեցինք նկարիչ Պաբլո Պիկասոյի մասին: Պարզվեց, սովորողներից մի քանիսին անունը ծանոթ էր, հետո դիտեցինք նկարչի աշխատանքներից մի քանիսը, զարմացանք պատկերների անհամաչափությունից: Հետո որոշեցինք այդ ոճով ստեղծել դիմանկարներ ու նկարներին անուններ մտածել:

Սովորողների աշխատանքներն են՝

Վաչե Հովհաննիսյան «Գունազարդ մարդուկ»

30688302_1769648876421319_8469915746707701760_n (1)

Շարունակել կարդալ “Անսովոր, անհամաչափ պատկերներ”

Պատմություն-չպատմություն

Ռոդարիական լեզվական ստեղծականությունն այս անգամ մեզ տարավ մի հետաքրքիր աշխարհ: Այդ աշխարհում մենք գրում ու կարդում ենք, բայց մեր հորինած պատմություններում նախադասությունների օգնականները, որոնք բառեր չեն, գիտնականները դրանց անվանում են օժանդակ բայեր, հաճախ մեր պատմության բառերին էին «փաթաթվում»: Այդ օրն էլ որոշեցինք մեր օգնականներին հավաքել, ուսումնասիրել, ճանաչել նրանց: Հետո փորձեցինք դրանց նախադասությունների մեջ տեղավորել. գրելիս՝ առանձին, իսկ կարդալիս՝ միասին: Հետո էլ, ա՜յ, քեզ զարմանք, մեր օգնականները կենդանացան ու դարձան հեքիաթի հերոսներ: 

Է-ն ու Չի-ն

Без названия (3)Մի օր Է-ն -ու Չի-ն ծանոթացան։

— Ես ոզում եմ, -ասաց Է-ն:

— Մենք ենք ուզում,- պատասխանեց Չի-ն:

-Լավ, մենք ենք ուզում ցույց տալ ծառը, որը ապրել է տասը տարի,-համաձայնվեց Է-ն:

-Նա չի ապրել տասը տարի,-պատասխանեց Չի-ն:

-Նա ապրել է տասը տարի,-շարունակեց Է-ն:

— Ոչ, նա չի ապրել տասը տարի,- չէր համաձայնվում Չի-ն։

Հետո աստվածը գալիս է և հաշտեցնում է նրանց։

Գագիկ Ղազարյան

Ես-ն ու Չես-ը

Без названия (4)Լինում են մի Ես ու Չես: Նրանք ամբողջ օրը կռվում էին: Մհերն ասում է.

— Ես Վաչեն եմ: Իսկ մյուսն ասում է.

— Չէ, դու Վաչեն չես, դու Տիգրանն ես: Սրանք ամբողջ օրը չեն հանգստանում: Մի օր գալիս է հայրիկը, նրա անունը «Ես ու Չես» էր: Նա հազիվ հաշտեցնում է նրանց:

Վաչե Հովհաննիսյան

Է-ն ու Չէ-ն

Կար-չկար մի Է կար: Այս Է-ն ապրում էր Էաստանում: Էաստանում բոլոր Է-երը շատ բարի էին: Փոքրիկ Է-երը սովորում էին Է դպրոցում: Բայց մի օր Էաստան եկավ Չէ-ն: Չէ-ն չէր սիրում Է-երին: Թագավոր Է-ն ուղարկեց իր Է զինվորներին, որոնք կռվեցին Չէ զինվորների հետ: Ամենակարևորն այն է, որ բարի Է-երը հաղթեցին չար չէ-երին:

Միքայել Մարտիրոսյան

577BCCCD048C49FB9BCC5F756C1C0827

Էդմոն Սահակյան

Եմ-ն ու Չեմ-ը

եմ չեմԼինում է մի Եմ: Մի օր նա գնաց ընկերոջ մոտ:

Նրա անունը Չեմ էր:

— Բարև, Չեմ:

-Բարև, Եմ:

-Արի գնանք խաղալու,-ասաց Եմը:

Եվ նրանք գնացին խաղահրապարակ խաղալու:

Երբ մութն ընկավ, նրանք գնացին տուն:

Եմը Չեմին ասաց բարի գիշեր և գնաց իր տուն:

Նա լվացվեց և պառկեց քնելու:

Սամվել Աղաջանյան

Է-ն ու կամակոր Չի-ն

Լինում է, չի լինում մի Է ու մի կամակոր Չի։ Է-ն միշտ մայրիկին օգնում է, դասերը կատարում է, գրքեր է կարդում, շախմատ է խաղում, նկարում է, սպորտով է զբաղվում։ Իսկ Չի-ն կամակոր է  ու մայրիկին չի օգնում, դասերը չի անում, շատ գրքեր չի կարդում, շախմատ լավ չի խաղում և ոչինչ չի ուզում անել։ Է-ն շատ ընկերներ է ունենում, իսկ Չի-ն քիչ ընկերներ է ունենում։

Ես ուզում եմ միշտ է-ի հետ ընկերություն անել։

Գրիգոր Ամիրյան

Է-ի և Ե-ի աշխարհները

Без названия (3)Լինում է, չի լինում մի Է տառ է  լինում: Նա միայն գիտեր է տառով բառեր: Մի օր նա մտավ Ե-ի բառերի աշխարհ: Նրան հանդիպեց ե տառը: Նա բարևեց Է-ին.

-Բարև Է, դու մտել ես Ե-ի բառերի աշխարհ: Ես Ե-ն եմ:

Է-ն քանի որ չգիտեր ե-ով բառեր նա ասաց.

— Ե, կարո՞ղ եմ ծանոթանալ Ե-ի բառերին:

-Այո,- ասաց Ե-ն:

-Մենք գիտենք Ե տառով բառեր:

-Իսկ ես գիտեմ միայն է տառով բառեր:

-Իսկ հիմա կսովորես ե տառով բառերը: Դրանք են՝ եմ, ես, ենք, եք և են:

-Իսկ է-ով բառերն են՝ էր,էի, էիր, Էինք, էին:

Նրանք ընկերացան և զբոսնեցին իրենց երկու աշխարհներում:

Տիգրան Գալստյան

Է-ն ու Չէ-ն

Без названия (4)Կար-չկար մի Է կար։ Այդ Է-ն մի օր հանդիպեց Չէին և նրանք  ընկերացան։ Մի օր Էն ասում է Չէին ․

—Արի տուն կառուցենք։

Չէ-ն պատասխանեց․

— Չէ։

Չեն գնաց և Է-ն միայնակ կառուցեց իրենց տունը։ Եվ Չէ-ն եկավ ու մտավ տուն, Է-ն դուրս հանեց և ասաց․

— Ով աշխատի, նա կուտի։ Դրա համար էլ ասում էի արի տուն կառուցենք:

Լիլիթ Աղասարյան

                                                     Ես-ն ու Չես-ը

sketch-1523302069900Կար-չկար մի հատ Ես կար, մի հատ Չես։ Նրանք միասին ապրում էին Չես-ի տանը։

Գնում էին միասին դպրոց, խաղում էին։ Մի օր դպրոցից տուն գալիս նրանք կռվեցին

և բաժանվեցին։ Հետո Չես-ը շատ տխրեց և գնաց Ես-ին տուն բերեց։ Նրանք նորից

ընկերացան։

Հայկ Սիմոնյան