Այս անգամ ռադիո «Բզեզի» հերթական թողարկումը հունիսմեկյան տոնին է անդրադառնում: Վեց-յոթ տարեկան առաջաին դասարանցիները զրուցում են երեխաների ու իրենց երազանքների ու ցանկությունների մասին:
Архив рубрики: «Բզեզ» ռադիո
Ուսումնական ճամփորդություն Թումանյանի թանգարան. Բզեզ # 9
Արևելյան դպրոցի առաջին դասարանցիներն այսօր այցելել էին Թումանյանի թանգարան: Սովորողների խմբերը շրջեցին թանգարանում, լսեցին Թումանյանի կյանքի մասին պատմությունը, տեսան ցուցադրված լուսանկարները, իրերը, զարմացան ու ուրախացան, ընթացքում միասին կարդացինք Թումանյան ու շարունակեցինք մեր ընթացքը, դիտեցին «Անբան Հուռին» մուլտֆիլմը 3D տարբերակով: Վերադարձին պատմեցին իրենց տպավորությունների մասին ու Նոր ռադիոյի ուղիղ եթերում հայտնվեցին:
Հովհաննես Թումանյան «Էս էն է». ռադիո «Բզեզ» # 8
Ռադիո «Բզեզի» ութերորդ թողարկումը ներկայացնում է եռալեզու ռադիոթատրոն: Լսեք մեզ:
Այցելություն Թումանյանի անվան տիկնիկային թատրոն. ռադիո «Բզեզ» # 7
Փետրվարի 23-ին առաջին դասարանցիները թումանյանական օրերի շրջանակում այցելեցին Թումանյանի անվան տիկնիկային թատրոն, դիտեցին «Անխելք մարդը» ներկայացումը: Այցելությունից առաջ միասին ընթերցել էինք հեքիաթը: Վերադարձից հետո քննարկեցինք, ամփոփեցինք հեքիաթը, զրուցեցինք հեքիաթի հերոսների մասին, ձայնագրեցինք ռադիո «Բզեզ»-ի յոթերորդ թողարկումը:
Ձմեռային ճամբարի վեցերորդ օր. ռադիո «Բզեզ» #6
Օրը սկսեցինք մեր նոր դասընկերուհու՝ Լիլիայի հետ ծանոթանալով: Ծանոթությունից հետո Մհերն ու Գևորգյան Վաչեն ներկայացրին իրենց աշխատանքները: Ոգևորված ու պայծառ աչուկներով դիտում էին իրենց ընկերների տեսաֆիլմերը, ծափահարում: Ձայնագրեցինք ռադիո «Բզեզի» վեցերորդ թողարկումը, որը ձմռան մասին էր:
Միասին ստեղծել ենք մեդիաայբբենարանի հերթական էջը չիր ու չամիչով: Չ-ի աշխարհի մասին ենք զրուցել, չ-ով բառեր ենք ասել, չ-ի աշխարհ ենք նկարել:
Մեր ընթերցանության անկյունը շատ են սիրում սովորողները: Ամեն անգամ տարբեր գրքեր են ընտրում ու փորձում են ընթերցել: Սուսաննան ու Լիլիան նկարազարդում էին Խնկոյանի «Ճպուռն ու մրջյունը», Սարգիսը շատ ոգևորված էր, որ կարդում է, իսկ այն տառերը, որոնք ծանոթ չէին, հարցնում էր ու շարունակում ընթերցել: Ալեքսն էլ փորձում էր հեքիաթում գտնել բառեր, որոնց մեջ չ կար, իսկ Վաչեն օգնում էր նրան:
Իսկ հաջորդ սիրելի անկյունը շախմատի անկյունն է: Շախմատ խաղում են նաև իրենց պլանշետներով:
Ռադիո «Բզեզ»# 5
Ամանորյա տոնական թողարկում է ռադիո «Բզեզ»-ի եթերում: Առաջին դասարանցիները զրուցում են Նոր տարվա մասին, թե հնում ինչ անվանում է ունեցել: Ձմռան ու տարվա եղանակների, ամիսների մասին են զրուցել ու տոնական անակնկալների:
Ռադիո «Բզեզ» #4. Ես սեբաստացի եմ
Նոյեմբերի 14-19-ը «Մխիթար Սեբաստացի» կրթահամալիրի տոնն է: Օրը սկսեցինք կրթահամալիրի մասին զրույցով, փորձեցինք հաշվել, թե կրթահամալիրը քանի շենքից է կազմված: Հետո փորձեցինք հիշել, թե կրթահամալիրի որ դպրոցում ենք եղել, և որում՝ ոչ: Մեր զրույց-քննարկումը մեր ռադիոյի թեման դարձավ: Ընթացքում նաև ձայնագրում էինք: Միասին փորձեցինք պարզել, թե ինչու ենք սեբաստացի:
Զրույց-քննարկում-ձայնագրությունից հետո նկարեցինք մեզ դպրոցում ու մուտքագրեցինք մեր անունը:
