Դուդու կապիկի արկածները

Դուդու կապիկը գնաց խանութ,  գնեց գնելու բանան, խնձոր և խաղող: Նա եկավ տուն  ու թաքցրեց միրգը բակի բալենու ծառի վրա: Երեկոյան , երբ ողջ ընտանիքն ընթրում էր, նկատեցին, որ բալենին բերք է տվել, բայց ոչ բալ: Բոլորը  զարմացան, բայց հասկացան, որ դա Դուդուն էր արել: Դուդուին բացատրեցին, որ չի կարելի գաղտնի փող վերցնել: Դուդուն հասկացավ իր սխալը:

Գրիգոր Ամիրյան

Մի կապիկ է լինում, անունը՝ Դուդու։ Նա փող է հավաքում բոլորից թաքուն։ Դուդուն երազանք ուներ։ Նա ուզում էր իրենց բակի բոլոր փոքրիկ կապիկներին նվերներ գնել, փուչիկներ, տորթ և պաղպաղակ հյուրասիրել։

Հայկ Սիմոնյան

Դուդու կապիկը, երբ մի օր գնաց միրգ գնելու, ետ դարձի ճանապարհը կորցրեց։ Հետո մի ուրիշ մարդու հանդիպեց, որը սարսափահար վազում էր։ Դուդուն կագնեցրեց նրան և հարցրեց․

-Ինչո՞ւ ես սարսափահար վազում։

— Այստեղ մի մեծ վիշապ կար, ընկել էր հետևիցս։ Դրա համար էլ սարսափած եմ։ Դու հանկարծ այնտեղ չգնաս։

Դուդուն նրան չլսեց և գնաց։ Ճանապարհին թուր գնեց և գնաց դևի հետ մենամարտելու։ Եվ Դուդուն նրան հաղթեց։

Լիլիթ Աղասարյան

Մի ընտանիքում երեք տարեկան կապիկ էր ապրում,  անունը՝ Դուդու։ Տան անդամները շատ էին սիրում նրան։
Մի օր էլ պարզվեց, որ Դուդուն տան անդամներից գաղտնի փող էր վերցնում և այդ փողով միրգ էր գնում։ Խանութը շատ հեռու էր և շատ վտանգավոր էր մենակով գնալը։ Մի օր էլ նրան բռնեցին և գցեցին վանդակի մեջ։ Կապիկը տխուր էր, բայց նրա ընտանիքը նրան գտնում է և վանդակից դուրս հանում։ Կապիկն իր արարքների մասին պատմում է մայրիկին և խոստանում, որ ոչ մի գաղտնի բան չի անի։

Տիգրան Գալստյան

Երբ տերերը գնացին ձկնորսելու, Դուդուն մնաց տանը։ Դուռն էլ փակ էր։ Դուդուն շատ էր ուզում ուտել։ Եվ նա թաքուն բացեց դարակը, վերցրեց 500 դրամ և պատուհանից փախավ խանութ։ Այնտեղից նա գնեց 10 բանան, եկավ տուն և սկսեց ուտել։

Գագիկ Ղազարյան

23A9186CF41F4BAF890B2D64E951A2AA

Մի անգամ Դուդուն գնացել էր այգի: Այդ այգում Դուդուն մի իր գտավ ու ասաց.

-Սա ի՞նչ է: Այդ պահին Դուդույի կողքով մի մարդ անցավ: Դուդուն հարցրեց.

-Սա ի՞նչ է: Այդ մարդը պատասխանեց.

-Սա մատիտ է:

Դուդուն հարցրեց.

-Սա ջնջելո՞ւ համար է:

-Սա գրելու համար է:

-Լավ,-պատասխանեց Դուդուն:

 

Վիկտորյա Հայրապետյան

Դուդու կապիկը ուզում էր գնել մրգեր: Հայրիկը գալիս է տեսնում է, որ կապիկը գալիս է տուն ու ասում է.

-Ի՞նչ էիր անում, կապիկ ջան, իմանալով, որ նա փողերը վերցրել է ու մրգեր է գնել:

-Ես ձեզ համար մրգեր եմ գնել:

-Բայց էլ նման բան չանես, լա՞վ:

Ռուզաննա Ներսիսյան

 

Advertisements

Ռոդարիական խառը պատմություններ

Սովորողների հետ աշխատել ենք ռոդարիական «Լճակի մեջ նետված քարը» հնարքով: Սովորողներն իմ ականջին շշնջացել են իրենց մտքում պահած բառերը, այնուհետև պատահականության սկզբունքով ընտրել ենք դրանցից երկուսը՝ տասը և շփոթը: Փորձել ենք այդ երկու բառերի «խառնուրդից» նոր բառ կամ բառակապակցություն ստանալ: Ստացվել էին շփոթատաս, տասաշփոթ, տասը շփոթ, շփոթ տասը: Սրանք էլ դարձան մեր պատմության վերնագրերը, որոնց մասին սովորողները հորինել են ու նկարել:

Շփոթն ու տասը

Լինում է, չի լինում մի տասը թիվ է լինում: Մի օր այդ թիվը քայլում էր ու հանդիպեց

Без названия (2)

Շփոթին: Շփոթը հարցնում է.

— Դու ի՞նչ է, երկու թիվն ես:
— Ոչ, չես տեսնում, ես տասը թիվն եմ:
— Իսկ սա ո՞ր քաղաքն է, Անգլիա՞ն է,-շարունակում է հարցնել Շփոթը:
— Ոչ, սա Հայաստան երկիրն է:

Տասն ամեն ինչ ճիշտ ասաց Շփոթին: Նրանք ընկերացան ու բոլոր օրերին զբոսնում էին:

Տիգրան Գալստյան

Տասաշփոթը

a4fb70ac-753c-4b15-96d0-6cbbdcdd9719Լինում է, չի լինում մի Տաս է լինում: Այդ Տասը շատ էր ուզում գնալ դպրոց և մի անգամ Տասի մայրիկն ասաց.

— Գնա դպրոց, ու Տասը շատ ուրախացավ: Տասը գնաց դպրոց ու հենց այդ պահին Տասը շփոթվեց ու դարձավ Տասաշփոթ:

Ռուզաննա Ներսիսյան

30623890_433268820465115_816696101577949184_nՇփոթատասը

Կար-չկար մի Շփոթատաս չկար: Նա ամբողջ օրը քնած էր: Շփոթատասը շատ ուրախ էր, որ քնած էր:

Ալեքս Փայասլյան

6E068092A61C44A3BE9CA3C8A6B858F3Շփոթատասը

Լինում է, չի լինում մի Շփոթատաս: Նա քայլում է ճանապարհով ու հանդիպում է Շփոթատասին ու նրանք դառնում են Շփոթաքսան:

Էդմոն Սահակյան

8390c87e-643a-4d6f-ad37-9dd9cd882bbcՇփոթատասը

Կար-չկար մի Շփոթատաս: Այդ Շփոթատասը ապրում էր Տասյանում: Շփոթատասը որոշեց գնալ Հայաստան: Նա ուզում էր գնալ Բլեյանի դպրոցում սովորելու, որովհետև Շփոթատասը շատ խելացի էր: Նա տասը տարեկան էր ու սովորում էր հինգերորդ դասարանում:

Միքայել Մարտիրոսյան

30594456_1767591629960377_5348227915613995008_nՏասը շփոթ

Լինում է, չի լինում մի Տասաշփոթ է լինում: Նա անընդհատ շփոթվում էր:

Սասուն Ղազարյան

fe997e23-9deb-4148-839d-e634f4ffb000Տասը շփոթ

Լինում է մի Տասաշփոթ: Նա առավոտյան վեր կացավ, նախաճաշեց, դաս արեց, խաղաց, հետո գիշերը եկավ ու նա քնեց: Ոչ մի Տասաշփոթ էլ չկար:

Սամվել Աղաջանյան

Без названия (1)Տասը շփոթ

Կար-չկար մի գիժ մարդ կար, ա՜յ, շփոթվեցի, նա խելոք էր: Արթնանալուց, ա՜յ, նորից շփոթվեցի, քնելուց նա կարդաց, ա՜յ, շփոթվեցի, նա գրեց իր եղբոր, ա՜յ, շփոթվեցի, ընկերոջ մասին գրեց: Նա գրել էր ուժեղ մարդու, ա՜յ, շփոթվեցի, շփոթ մարդու մասին էր գրել: Քո մասին էր գրել, ա՜յ, նորից շփոթվեցի, իմ մասին էր գրել: Հետո արթնացավ, ա՜յ, նորից շփոթվեցի, նա քնեց:

Գագիկ Ղազարյան

Без названияՇփոթատասը

Լինում է, չի լինում մի Շփոթատաս է լինում;

Մի օր իր հայրիկը ասում է՚

_ Գնա անտառից սունկ բեր:

Ինքը գնում է սունկի փոխարեն խոտ է բերում:

Աննա-Մարիա Վարդանյան

MHER PATMUTYUNՏասաշփոթը

Կա մի մարդ, որի անունը Տասաշփոթ է: Այդ մարդն ամեն օր տասն անգամ շփոթվում է: Իրեն դա դուր չէր գալիս: Ուզում էր, որ էլ չլինի Տասաշփոթ, այլ լինի Շփոթատաս:

Մհեր Սարգսյան

vachepatmutyunՏասը շփոթ

Ես տասը հատ շփոթվեցի դասարանի տեղը, իսկ Մհերը ոչ մի անգամ չշփոթվեց, որովհետև Մհերին օգնում է Ալեքսը, իսկ Ալեքսին սովորեցրել են Գրիգորն ու Սասունը: Այս պատմությունը ամեն օր կրկնվում է, միայն թե տարբեր են շփոթվողները:

Վաչե Հովհաննիսյան

Տասաշփոթ

Без названия (5)Կար-չկար մի աղջիկ կար: Այդ աղջիկը մի անգամ իր ընկերուհիների հետ գնաց հանգստանալու: Այդ աղջկա անունը Անահիտ էր: Նա այդ օրը տասը անգամ շփոթվեց ու իր ընկերուհիներն իրեն ասացին Տասաշփոթ: Անահիտը ծիծաղեց ինքն իր վրա ու ինքը էլ տասը անգամ չի շփոթվում: Անահիտն արդեն կարող է իր ընկերուհիների հետ գնալ հանգիստ հանգստանալու:

Վիկտորյա Հայրապետյան

Շփոթատասը

Կար մի Շփոթատաս: Նրա անունը Էդմոն էր: Նա շատ էր սիրում կոմպով խաղալ, բայց մի օր իր կոմպն անջատեց, որ դաս անի:

Գրիգոր Ամիրյան

Շփոթատասը

Չի լինում, լինում է մի Շփոթատաս: Մի օր Շփոթատասը իր ընկերոջ հետ գնաց Շոկոլոդաստան: Քանի որ Շոկոլադաստանը շոկոլադից էր պատրաստված՝ տղաները որոշեցին շոկոլադ հագնել: Տղաները այդտեղ մոլորվեցին, բայց հանդիպեցին մի մարդու, ով օգնեց գտնել իրենց քաղաքը:

Սուսաննա Աղաջանյան

Տասաշփոթը

Կար-չկար մի Շփոթ կար: Այս Շփոթն այնքան էր սիրում տասը թիվը, որ նրան կոչում են Տասաշփոթ: Տասաշփոթը սեպտեմբերի մեկին գնաց դպրոց և նրան ամեն օր տարբեր անուններով էին դիմում, օրինակ՝ Մհեր, Գրիգոր, Վաչե, Ալեքս, Տիգրան, Սասուն, Սամվել, Գագիկ, Միքայել և Էդմոն: Մի օր էլ, երբ ես հորինեցի այս պատմությունը, նրան իր իսկական անունով դիմեցին՝ Տասաշփոթ և նա շատ ուրախացավ:

Լիլիթ Աղասարյան

Լիմերիքներ կամ ծիծաղելու պատմություններ

18425853_1445036758882534_1093650251_nԻ՞նչ է լիմերիքը: Ջանի Ռոդարին իր «Ստեղծագործական երևակայության քերականությունը» գրքում գրում է. «Լիմերիքը կազմակերպված ու օրինականացված անհեթեթության անգլիական տարբերակն է»:

Առաջին դասարանցի իմ 6-7 տարեկանները սիրում են անհեթեթություններ, բայց երբ ասացի, որ լիմերիք ենք հորինելու հերիք չէ, դրանք էլ անհեթեթություններ են՝ զարմացան, բայց չհասկացան, միայն հորինելու համար ուշքները գնում է, բայց էդ ի՞նչ ենք հորինելու…իսկ երբ ասացի ծիծաղելու, ծիծաղելի, անսովոր պատմություններ, այդ ժամանակ գլխի ընկան, ուրախացան, բոլորը սկսեցին բզբզալ, ինչ-որ բաներ ասել, ծիծաղել…Սկզբի համար առաջարկեցի մտքով ընտրել մի բան՝ առարկա, իր, որի մասին կուզեին հորինել, պատասխանները չուշացան: Հետո առաջարկեցի մտածել, թե այն ինչ ընտրել են՝ ինչպիսի՞ն է, բայց ոչ թե սովորական վիճակում, այլ՝ անսովոր, հետո՝ այդ անսովոր ինչ-որ բանը ինչ-որ տեղում ինչ կաներ ու հանկարծ ինչ կլիներ: Ստացվեց այսպիսի օգնող-ուղղորդող հարցաշար՝

Ի՞նչը:
Ինչպիսի՞ ի՞նչը:
Ինչպիսի՞ ի՞նչը որտե՞ղ ի՞նչ էր անում:
Ու հանկարծ ի՞նչ եղավ:

Թեև շատ լիմերիքներ գրվեցին, որտեղ այս հարցաշարը չէր էլ օգնել:

Եվ այսպես, սկսեցինք հորինել, մուտքագրել: Ահա լիմերիքների մի փաթեթ, կարդացեք ու ժպտացեք: Բայց սա դեռ վերջը չէ: Այս լիմերիքները դառնալու են մեր հերթական ընթերցարանը, որոնք մենք կարդալու ենք, խաղով ներկայացնելու ենք ու նկարենք:

Ահա մեր լիմերիքները:

  1. Դուռը,
    Քայլող դուռը,
    Մի օր քայլում էր ու ընկավ:
    Հետո պարզվեց, որ քնած էր:
    Մայրիկն իրեն արթնացրեց ու ասաց.
    -Դու, հաց կեր:
    Ու դուռը հաց կերավ:

Վաչե Հովհաննիսյան

2.  Թևերով շրջանը
Քաղաքում նստեց ավտո
Ու գնաց Ամերիկա:
Ամերիկայում հաց կերավ
Ու գնաց տուն:

Մհեր Սարգսյան

3. Մի անգամ մի սեղան որոշեց, որ պետք է ձուկ ուտի:
Ձուկը վերցնում է ու հետ է գալիս:

Սուսաննա Աղաջանյան

4. Հեռախոսը,
Քայլող հեռախոսը,
Քայլող հեռախոսը գնաց Ռուսաստան,
Ու հանկարծ ընկավ ջուրը:

Վաչե Գևորգյան

5. Քայլող խոտը
Գնաց ճաշ ուտելու
Ու մոլորվեց այնտեղ:

Խալաթյան Լիլիա

6. Թռչող սեղանը թռչում էր երկնքում ու հանկարծ ընկավ ցած:

Վիկտորյա Հայրապետյան

7. Հինգը,
Երգիչ հինգը,
Երգիչ հինգը թաքնվում էր սեղանի տակ,
Ու երգում էր. — Լա-լա-լա:

Էդմոն Սահակյան

8. Ինքնաթիռը քայլող,
Աթոռը թռչող,
Սեղանը թաց,
Քանոնը ճաշ ուտող,
Դաս էին անում
Ու հանկարծ վախեցան:

Հակոբյան Միքայել

9. Քայլող գնդակը,
Քայլում էր հեռախոսի վրա:
Գնդակը կապույտ էր:

Սամվել Աղաջանյան

10. Արևը,
Քայլող արևը,
Քայլող արևը գնաց խանութ,
Խանութն ընկավ գլխին:

Մհեր Սարգսյան

11. Դուռը։
Կարմիր դուռը։
Կարմիր դուռը տոնածառին էր նայում։
Կարմիր դուռը սենյակում տոնածառին էր նայում։
Ու հանկարծ դուռը թակեցին։

Հայկ Սիմոնյան

12. Երբ անտառում արջը հանդիպեց բարկացած նապաստակին, վախից քարացավ:
Աստղերը  ծիծաղում էին լուսնի վրա և հանկարծ երկինքը սկսեց գոռգոռալ:

Սուսաննա Աղաջանյան

13. Սեղանը,
Թռչող սեղանը,
Թռչող սեղանը երգում էր:
Թռչող սեղանը հյուրասենյակում երգում էր
Ու հանկարծ ընկավ:

Վիկտորյա Հայրապետյան

14. Գնդակը,
Թռչող գնդակը,
Թռչող գնդակը ծաղիկ էր տնկում,
Բակում ծաղիկ էր տնկում,
Ու հանկարծ ջուրը թափվեց:

Գագիկ Ղազարյան

15. Խոտը,
Քայլող խոտը,
Քայլող խոտը ման էր գալիս,
Ու դպրոցում դաս էր անում,
Մեկ էլ հանկարծ ընկավ:

Միքայել Մարգարյան

16. Ծիտը քայլում էր
Հեռախոսի վրա էր:

Գագիկ Քոչարյան

17. Հեռախոսը,
Թռչող հեռախոսը,
Թռչող հեռախոսը գնում էր գյուղ:
Թռչող հեռախոսը խաղում էր գնդակով:
Ու հանկարծ գնդակը տշեց ու ընկավ գլխին:

Գրիգոր Ամիրյան

18. Խոտը,
Քայլող խոտը,
Քայլող խոտը ճաշէր ուտում:
Քայլող խոտը ճաշից հետո լվացվեց:
Հետո բակում խաղաց:
Հետո տուն եկավ:

Ալեքս Փայասլյան

19. Աթոռը,
Թռչող աթոռը,
Թռչող աթոռը խաղում էր,
Թռչող աթոռը խանութում տանձ էր գնում:
Ու հանկարծ ընկավ:

Վաչե Հովհաննիսյան

20. Երգիչ հինգը թաքնվում էր սեղանի տակ:
Նա երգում էր արևի երգը:
Նա դարձավ վեց:

Սամվել Ավետիսյան

21. Քայլող սեղանը,
Տանը գործ էր անում,
Ու հանկարծ իր քնելու ժամը եկավ:

Գագիկ Ղազարյան

22. Խոտը,
Կարմիր խոտը,
Կարմիր խոտը խաղում էր գնդակով:

Գրիգորյան Արսեն

23. Մայրիկը,
Աղջիկների մայրիկը,
Աղջիկների մայրիկը տնակում զայրանում էր:

Դավիթ Թադևոսյան

24. Գնդակը,
Քայլող գնդակը,
Քայլող գնդակը դպրոց էր գնում,
Ու հանկարծ սխալվեց:

Վիկտորյա Հայրապետյան

25. Սեղանը,
Քայլող սեղանը,
Քայլող սեղանը ճաշ էր ուտում,
Քայլող սեղանը անտառում խաղում էր:
Ու հանկարծ վախեցավ:

Վաչե Հովհաննիսյան

Ջ. Ռոդարի. Անտակ պարկը

17909391_1417332984986245_65843096_nԿարդա, հետո փորձիր հորինել շարունակությունը, թե էլ ի՞նչ կարող է լինել անտակ պարկում:

— Հին շո՜ր, հին կոշի՜կ…
— Ա՛յ ծերուկ, ճերմա՛կ ծերուկ,
Ի՞նչ կա-չկա քո պարկում:
— Կա մի կոշիկ՝ անկրունկ,
Մի թև ունեմ՝ անկոստյում:
— Հետո՞…
— Շան վզակապ,
Ունեմ աղեղ՝ անջութակ:
— Հետո՞…
— Անքիթ թեյնիկ ու սրճեփ,
Թավա ունեմ չուգունե,
Էս թավան հատակ չունի,
— Հետո՞…
….

Պլանշետը (նեթբուք-նոթբուքը) որպես ընթերցանության, գործիք առաջին դասարանում

17203864_1377916622261215_1764576899_n

«Մխիթար Սեբաստացի» կրթահամալիրի կրտսեր դպրոցում իրականացվում է «Իմացումի հրճվանք» կրթական ծրագիրը, ուսուցումը կազմակերպվում է նախագծերով՝ ըստ ուսումնական օրացույցի: Սովորողի ուսումնական առօրյան ներառում է ուսումնական գործունեության տարբեր ձևեր՝ ընթերցանություն, բանավոր մաթեմատիկա, լող, ճամփորդություն, նկարչություն, տեխնոլոգիա, պար, երգ… Սովորողն իր ուսումնական գործունեության ընթացքում կիրառում-օգտագործում է տարբեր ուսումնական գործիքներ՝ պլանշետ, նեթբուք-նոթբուք, վրձին, հեծանիվ, շախմատ, սովորում-աշխատում է բակում, պարտեզում, դպրոցում կամ տանը:

2016-2017 ուստարում, վեց տարեկանների առաջին դասարանում սովորողների մի մեծ խումբ որպես անհատական մեդիագործիք ուներ պլանշետը… Մինչ այդ կար նեթբուք-նոթբուքերով աշխատելու փորձը: Ցանկացած գործիքի կիրառման դեպքում գլխավոր սկզբունքը ստեղծականության ու մտքի զարգացումն է, ուսումնական կենսական հմտությունների ձևավորումն ու զարգացումը։ Գործիքն իր հետ բերեց որոշակի առավելություններ ու նաև որոշակի դժվարություններ, որոնց հաղթահարումն ու լուծումը ուսումնական գործի կազմակերպման նոր հարթակ ստեղծեց: Պլանշետն առավել հարմար է, որովհետև ավելի թեթև է, շատ տեղ չի զբաղեցնում, ու նրանում կան ուսումնական գործի կազմակերպման համար անհրաժեշտ ծրագրերը:

Սկզբում պլանշետը (նեթբուք-նոթբուքը) կիրառելի էր որպես խաղային, նկարչական-լուսանկարչական գործիք: Այն որպես գրի-ընթերցանության գործիք կիրառելն արդեն մանկավարժական խնդիր էր:

Պլանշետը որպես ընթերցանության, գրի գործիք, արդյունքում՝ որպես ընթերցարան

Պլանշետում սովորողները Play Market հավելվածից կարող են ներբեռնել տարբեր տեսակի Paint նկարչական ծրագրեր, որոնցով նկարել են իրենց սիրելի հեքիաթները, հերոսներին, և այլն: Այս աշխատանքը հեգելու, հնչյունի և գրի առնչությունների վերաբերյալ ուսումնական աշխատանք է, որ նախկինում արվում էր միայն բանավոր: Հաջորդ փուլում կարիք ունեինք այնպիսի ծրագրի, որը հնարավորություն կտար մուտքագրել, տպել հենց նկարի վրա: Autodesk Sketchbook ծրագիրը հնարավորություն է տալիս նկարել, բառեր, կարճ տեքստեր մուտքագրել: Աստիճանաբար, էջ-էջ, բառ-բառ ստեղծեցինք մեր ընթերցարանները, որոնք հավաքվեցին, հրապարակվեցին, հասանելի դարձան այլ սովորողների, նրանք ընթերցեցին ու հեղինակ սովորողն ունեցավ իր ընթերցողին, որը նույնպես հեղինակ է… Պատրաստվում ենք հանդիպել Հյուսիսային դպրոցի ու Քոլեջի 6 տարեկանների հետ, ու միասին ստեղծել ընթերցարանային էջեր:

Մինչ այս պահը սովորողների հետ ստեղծել ենք հետևյալ խմբային ու անհատական ընթերցարանները:

Մի բառ՝ ես, մի բառ՝ դու
Երեք հեքիաթ ճանճի մասին
Հեքիաթ ծուռտիկ ծառի մասին
Կաչկա մի հեքիաթ կա

Սարգիս Սահակյան Հ. Թումանյան «Ծաղիկները»
Էդմոն Սահակյան Հ.Թումանյան «Շունը»
Վիկտորյա Հայրապետյան Հ. Թումանյան «Ամպն ու սարը»
Սամվել Աղաջանյան Հ. Թումանյան «Ամպն ու սարը»

Շրջիկ ընթերցարաններ

Վաչե Գևորգյան
Վաչե Հովհաննիսյան
Գագիկ Ղազարյան
Ռուզաննա Ներսիսյան

Այս փուլում սովորողների հետ ընթերցում ենք տարբեր ստեղծագործություններ, որոնք հրապարակվում են կամ ուսուցչի բլոգում, կամ «Բզեզ» կայքում:

Ահա մի օրինակ.

Սովորողներն ընթերցում են Ջանի Ռոդարիի «Անտակ պարկը»: Ստեղծագործությունը ընթերցելուց հետո քննարկում ենք ստեղծագործությունից ստացած տպավորությունը, բացատրում անհասկանալի բառերը: Սովորողները փորձում են հորինել շարունակությունը, թե էլ ի՞նչ կարող է լինել անտակ պարկում՝ պատասխանելով՝ հետո՞ հարցին: Autodesk Sketchbook ծրագրով, նկարում-մուտքագրում են իրենց հորինած անսովոր շարունակությունը: Ստեղծված աշխատանքները հավաքվում են որպես ընթերցարան: Առաջին քայլով մուտք են գործում ուսուցչի բլոգ, որտեղ տեղադրված է ընթերցանության նյութն ու առաջադրանքը: Ընթերցում-քննարկումից հետո սովորողները ստեղծում են իրենց էջ-ընթերցարանը՝ նկարելով ու գրելով, թե էլ ինչ կարող է լինել անտակ պարկում: Հաջորդ փուլում թատրոն-խաղի միջոցով փորձում են ներկայացնել անտակ պարկում եղած առարկաները: Այստեղ պլանշետը (նեթբուք-նոթբուքը) կիրառում ենք որպես լուսանկարող, տեսագրող գործիք: Ուսումնական պարապմունքները կազմակերպվում են նաև Արևելյան դպրոցի լանջերին:

Ամփոփելով մեկամյա գործունեությունը՝ կարող եմ եզրակացնել.

  • Մեդիագործիքի կիրառում-օգտագործումը սովորողին բազմաթիվ մեդիահմտություններ է փոխանցում, որոնք կարող են հեշտացնել ու մեծացնել նաև մեդիայի միջոցով կրթություն ստանալու հնարավորությունները.
  • Սովորողն այն կիրառում-օգտագործում-ընկալում է որպես ուսումնական գործիք, ուսումնական գործունեության մասնիկ՝ առանց տարանջատելու ամբողջից.
  • Սովորողը յուրացնում-կիրառում է գործիքով աշխատելու որոշակի կանոններ՝ պահպանելով ու կատարելով հիգիենային ու առողջությանը վերաբերող որոշ վարժություններ.
  • Մեդիագործիքը հնարավորություն է տալիս սովորողին առցանց (on-line) ռեժիմում աշխատել, ծանոթանալ իր հասակակիցների մտքերին, աշխատանքներին, կիսվել սեփականով.
  • Այն նպաստում է սովորողի ինքնուսուցմանն ու ինքնազարգացմանը.
  • Այն ունի համախմբող նշանակություն, որովհետև սովորողներին կարող է հավաքել որևէ գործունեության շուրջ՝ դառնալով կենդանի զրույց-քննարկումների հարթակ-միջոց: