Կոմիտասյան օրեր. ամփոփում

22709835_1598293160223559_1240033421_nՍեպտեմբեր-հոկտեմբերին երկրորդ դասարանցիները «Կոմիտասյան օրեր» նախագծի շրջանակում իրականացրել են հետևյալ աշխատանքները՝

Կոմիտասյան երգերի կատարում

Դասարանական բլոգում գործում է Երգարան 2 բաժինը, որտեղ հրապարակվում են մեր այն բոլոր երգերը, որոնք մենք սովորում ենք ու երգում ենք: Ցանկն անընդհատ թարմացվում է:

Մասնակցություն կոմիտասյան առցանց ֆլեշմոբին

Կոմիտասյան առցանց ֆլեշմոբին մասնակցել է Տիգրան Գալստյանը՝ ներկայացնելով Կոմիտասի «Հայր մեր» երգը:

Պատկերազարդ աուդիոընթերցարանի ստեղծում

Երկրորդ դասարանցիները ընթերցել են Կոմիտասի «Աշուն օր» բանաստեղծությունը և ստեղծել են պատկերազարդ աուդիոընթերցարան:

Ուսումնական ճամփորդություն դեպի Կոմիտասի թանգարան-ինստիտուտ

Ռադիո «Բզեզ»-ի 13-րդ թողարկումը նվիրված է Կոմիտասյան օրերին

Թեև Կոմիտասը շուրջտարյա նախագիծ է, այնուամենայնիվ սեպտեմբերի-հոկտեմբերի ամփոփ գործունեությունն է ներկայացված:

Advertisements

Ուսումնական պարապմունքը Կոմիտասի թանգարան-ինստիտուտում. ամփոփում

22711357_1598292450223630_653968493_nՀոկտեմբերի 20-ին ըստ հրապարակված նախագծի Արևելյան դպրոցի երկրորդ դասարանցիները մեկնեցին ուսումնական ճամփորդության դեպի Կոմիտասի թանգարան-ինստիտուտ: Նախապես զրուցել էինք ճամփորդական կանոնների, վայրի մասին, պատրաստել էինք Կոմիտասյան երգեր, որոնք պետք է երգեինք:

Ճամփորդության ընթացքի, իմացած տեղեկությունների, ստացած տպավորությունների մասին կարող եք լսել ռադիո «Բզեզ»-ի 13-րդ թողարկման ընթացքում, ընթերցել սովորողների պատումներում, ինչպես նաև կարող եք ուսումնական պարապմունքից դիտել մի հատված:

Հատված ուսումնական պարապմունքից՝

Սովորողների անհատական պատումները ստորև՝

Էդմոն Սահակյան

Աննա-Մարիա Վարդանյան

Սասուն Ղազարյան

Միսաք Մինասյան

Հայկ Սիմոնյան

Լիլիթ Աղասարյան

Գագիկ Ղազարյան

Ալեքս Փայասլյան

Տիգրան Գալստյան

 

Ճամփորդություն դեպի Կոմիտասի թանգարան

22709835_1598293160223559_1240033421_nԵս  Էդմոն  Սահակյանն  եմ, սովորում եմ Մխիթար Սեբաստացի  կրթահամալիրի  2-2 դասարանում:  Հոկտեմբերի  20-ին`  ժամը  10.27-ին,   իմ  դասարանի հետ,  ընկեր  Անահիտի ուղեկցությամբ գնացինք Կոմիտասի թանգարան, որտեղ մեզ  միացավ  ընկեր Աիդան և մեզ պատմեց Կոմիտասի մասին:

Իմացանք,  նրա  անունը  Սողոմոն Սողոմոնյան  է,  ծնվել  է  Թուրքիայի  Քյոթարիա քաղաքում: Մեկ  տարեկանում կորցրել  է մայրիկին,  իսկ  տասնմեկ  տարեկանում՝  իր հայրիկին:

Մենք նաև  գնացինք  երաժշտական գործիքների հետ  ծանոթանալու, որտեղ կային փողային, լարային,  հարվածային գործիքներ:  Որպես  վերջաբան,  մենք  հանելուկներ լուծեցինք  և  մեծ տպավորություններով վերադարձանք  դպրոց:  

Կոմիտասի թանգարանում

22711357_1598292450223630_653968493_nԵս Ալեքս Փայասլյանն եմ: Ուրբաթ օրը մենք դասարանով գնացինք Կոմիտասի թանգարան: Տեղ հասանք 22 րոպեում: Այնտեղ ես իմացա, որ Կոմիտասը 1 տարեկանում կորցրել է իր մայրիկին, իսկ 11 տարեկանում` իր հայրիկին: Կոմիտասի թանգարանը ես շատ սիրեցի:

Ճամփորդություն դեպի Կոմիտասի թանգարան-ինստիտուտ

22782165_1598293416890200_1742750406_nԵս Լիլիթ Աղասարյանն եմ, սովորում եմ Մխիթար Սեբաստացի կրթահամալիրում,  2-2 դասարանում։ Մենք հոկտեմբերի 20-ին գնացել էինք Կոմիտասի թանգարան։ Ճանպարհը տևեց 30 րոպե։ Ես այնտեղ շատ հավանեցի։ Մենք այնտեղ տեսանք Կոմիտասի ընկերների և Կոմիտասի նկարները։ Ես այնտեղ  իմացա, որ Կոմիտասը 1 տարեկանում կորցրել է իր մայրիկին, իսկ 11 տարեկանում` իր հայրիկին։ Իմ տպավորությունները թանգարանից հետո լավ էին։

Ճամփորդություն դեպի Կոմիտասի թանգարան-ինստիտուտ

22711357_1598292450223630_653968493_n Ես Միասք Մինասյանն եմ, սովորում եմ Մխիթար Սեբաստացի կրթահամալիրի 2/2-րդ դասարանում։ Անցած ուրբաթ օրը մենք դասարանով գնացել էինք Կոմիտասի թանգարան_ ինստիտուտ։ Ես այնտեղ եղել էի թանգարանային գիշերը, բայց դասարանով ավելի հետաքրքիր անցավ։ Ճանապարհը շատ կարճ էր, բայց շատ հետաքրքիր։ Այնտեղ մեզ դիմավորեց թանգարանի աշխատակիցը, որ մեզ շատ նոր բաներ պատմեց Կոմիտասի մասին։ Ես առաջին անգամ տեսա նրա սրինգը, ծոցատետրը, նոտաները և խմբավարի փայտիկը։ Իմացա, թե որ երկրներում է նա ապրել, ինչ գեղեցիկ ձայն է ունեցել։ Մենք այնտեղ երկու երգ կատարեցինք ու վերադարձանք դպրոց։ Ամբողջ ճանապարհին զրուցում էինք Կոմիտասի մասին։