Ուսումնական ճամփորդություն «Համբարձումն Ապարանում» նախագծով

61593285_2355353364517531_5868026547360759808_nՄայիսի 31-ին Արևելքի երրորդ, չորրորդ, հինգերորդ դասարանցիների ճամբարական ջոկատները մեկնեցին Ապարան՝ «Համբարձումն Ապարանում» նախագծով:

Ճամփորդության նախապատրաստման ընթացքում ընթերցել են տեղեկատվկան տեքստ Համբարձման տոնի մասին, նկարել են ծիսական նկարներ, որոնք հրապարակել են բլոգներում, հորինել են բարեմաղթանքներ վիճակի խաղի համար: Ուսումնասիրել են քարտեզը, անդրադարձել են ճամփորդական կանոններին:

Սովորողները քայլքով հասան անտառ, հանգստացան, նախաճաշեցին, այնուհետև քայլքով հասանք Ապարանի ջրամբարի մոտ, այնուհետև  այցելեցինք Ապարանի ջրամբարի ձախ ափին գտնվող վաղմիջնադարյան հայկական ճարտարապետության Զովունի գյուղատեղիի հուշարձանախումբը, որը բաղկացած է Թուխ Մանուկ, Սուրբ Վարդան, Սուրբ Պողոս-Պետրոս եկեղեցիներից և քառակող կոթողներից։

Եկեղեցու բակում երգեցին համբարձման ծիսական երգեր, որից հետո քայլքով վերադարձանք անտառ, վիճակի խաղ խաղացին:

Advertisements

«Համբարձման ծես» ուսումնական նախագիծ-ճամփորդությունը Ապարանում

57462736_2287434967976038_6438463874319515648_n

Աղբյուրը՝ Հ. Առաքելյանի բլոգ

Մասնակիցներ՝ երրորդ դասարանցիներ

Նպատակն ու խնդիրները՝

  • Ծանոթանալ ազգային ծեսին, սովորույթներին, յուրացնել ծիսական երգերն ու խաղերը.
  • զարգացնել սովորողների ստեղծագործական, տեխնոլոգիական կարողություններն ու հմտությունները.
  • նպաստել համագործակցային հմտությունների զարգացմանը.
  • ճամփորդական կանոնների իրագործում:

Քարտեզը՝

Մեկնման օրը՝ մայիսի 31, ժամը՝ 9.30-14.00

Բովանդակությունը՝

Շարունակել կարդալ “«Համբարձման ծես» ուսումնական նախագիծ-ճամփորդությունը Ապարանում”

Ծաղկային ճակտնոցներ Համբարձման տոնին

32739193_1802938293092377_6636633931644928000_nՄայիսյան 13-րդ հավաքի չորրորդ օրը՝ մայիսի 17-ին, Արևելյան դպրոցի լանջերին նշում էինք Համբարձման տոնը: Մինչ այդ ընթերցել էինք տոնի մասին, պատրաստել էինք ծաղկե ճակտնոցներ, սովորել էինք տոնական պարերգերը:

Համբարձման կամ Ջանգյուլումի տոն

fe997e23-9deb-4148-839d-e634f4ffb000Համբարձման օրը ջրի ու ծաղկի տոն է: Տոնը ունի ուրիշ անուն էլ: Նրան ասում են Վիճակի տոն, Ջանգյուլում:  Այդ օրը աղջիկների յոթական խմբերը դուրս էին գալիս ծաղիկ հավաքելու: Նրանք ծաղիկներից բացի, փարչի մեջ հավաքում էին յոթ աղբյուրից յոթ բուռ ջուր, յոթ տեսակ ծաղկից յոթ տերև, յոթ տեսակ ծաղիկ, հոսող առվից յոթ տեսակ քար: Ամբողջ ընթացքում նրանք պիտի լուռ մնային: Ծաղիկները հավաքելուց հետո միայն աղջիկներն սկսում էին խոսել միմյանց հետ, երգել և ծաղկեպսակներ սարքելու ողջ ընթացքում ամենուր հնչում էր նրանց երգը:

Համբարձումն եկավ, ծաղկունքը ալվան

Զուգել են հանդեր նախշուն գորգերով:

Փունջ-փունջ աղջիկներ սարերը ելան

Վիճակ հանելու աշխույժ երգերով:

Պատրաստվում էին հարյուրավոր ծաղկեփնջեր: Վերջում պատրաստում էին ամենամեծ ծաղկեփունջը` Ծաղկամերը, որը դրվում էր պուլիկի մեջ:

Համբարձումը տոնում են մայիս ամսին՝ ծաղկունքի մեջ: Վիճակի խաղ էին խաղում: Տոնի օրը ջրով լի կուժերի մեջ գցում են ծաղիկների տերևներ և աղջիկներին պատկանող զանազան իրեր: Այնուհետև դեռահաս մի աղջկա հագցնում են հարսի զգեստ, վերցնում կժերը, ծաղիկները և շրջում տնետուն: Այս ամենը զուգորդվում են երգերով, կատակներով: Հետո սկսվում է վիճակահանությունը, ում պատկանում է առաջին իրը, նրան մոտալուտ ամուսնություն է սպասվում: Կժից հանում են մյուս իրերը, որոնց պատկանող անձանց խրատներ և բարեմաղթանքներ են տրվում:

Վիճակի խաղիկներ 

Վիճակը հանելու մանիներ

Տեսեք վիճակն ինչ կուզի,
Ջա՜ն, ծաղիկ, ջա՜ն, ջա՜ն,
Սրտի ուզածըն ինչ ի,
Ջա՜ն, վիճակ, ջա՜ն, ջա՜ն

Սարերով ցորեն կուզի,
Ջա՜ն, ծաղիկ, ջա՜ն, ջա՜ն,
Արտերով գարի կուզի,
Ջա՜ն, վիճակ, ջա՜ն, ջա՜ն:

Մեր վիճակը ինչ կուզի,
Ջա՜ն, ծաղիկ, ջա՜ն, ջա՜ն,
Օսկի մատանի կուզի,
Ջա՜ն, վիճակ, ջա՜ն, ջա՜ն:

Վիճակ, վիճակ դուս էլավ,
Ջա՜ն, ծաղիկ, ջա՜ն, ջա՜ն,
Էս ինչ բարի բախտ ելավ,
Ջա՜ն, վիճակ, ջա՜ն, ջա՜ն:

Վիճկի վրեն լուս էլավ,
Ջա՜ն, ծաղիկ, ջա՜ն, ջա՜ն,
Էս ինչ սիրուն բախտ ելավ,
Ջա՜ն, վիճակ, ջա՜ն, ջա՜ն:

Վիճակ, վիճակ դուս էլավ,
Ջա՜ն, ծաղիկ, ջա՜ն, ջա՜ն,
Վիճկի վրեն լուս էլավ,
Ջա՜ն, վիճակ, ջա՜ն, ջա՜ն:

Այդ գիշեր մի պահ կանգ է առնում տիեզերքի անիվը:

Բուն Համբարձման գիշերը զարմանահրաշ գուշակությունների, կախարդանքների գիշերն է: Դա հրաշքների գիշեր է. կեսգիշերին բնությունը լեզու է առնում: Հինգշաբթի գիշերը ջրերը մեկ րոպե կանգ են առնում, քարերը, ծառերն ու ծաղիկները լեզու են առնում, միմյանց հետ խոսում, գաղտնիքներ հաղորդում: Այդ գիշեր նրանք ասում են, թե իրենք որ հիվանդություններն են բուժում: