«Հորինուկներ» ընթերցարան. լրացուցիչ կրթության, ինքնակրթության փաթեթ

նկարԴիջիթեքյան հայտ

Կրթահամալիրում «Կարդում ենք…» նախագիծը շուրջտարյա է: Կրտսեր դպրոցում «Կարդում ենք…» նախագծի շրջանակում սովորողները ոչ միայն կարդում են տարբեր հեղինակների ստեղծագործություններ, այլև հենց իրենք են դառնում ստեղծագործությունների հեղինակներ: Այս նախագծում ծնվեց մի նոր նախագիծ, որը նույնպես շուրջտարյա է ու «Կարդում ենք…» նախագծի բաղկացուցիչ է: «Հորինուկներ» նախագծի շրջանակում սովորողների հետ միասին ստեղծել ենք ամառային ընթերցարան: Աշխատելով ստեղծագործական հնարներով(Ջանի Ռոդարի «Ստեղծագործական երևակայության քերականություն») ուսումնական ողջ տարվա ընթացքում, տարբեր նախագծերի շրջանակում սովորողները ստեղծագործել, հորինել են պատմություններ, որոնք ուսումնական տարվա վերջում հավաքվել են «Հորինուկներ» ընթերցարանում: Իսկ պատմություններին կից ստեղծագործական երևակայությունը խթանող, զարգացնող հարցերի, առաջադրանքների հեղինակը ուսուցիչն է: Այս ընթերցարանը ինքնակրթության արդյունքում ինքնակրթության համար ստեղծված ընթերցարան է, որը կիրառելի է և՝ էլեկտրոնային, և՝ թղթային տարբերակով:

«Հորինուկներ» նախագծի ամփոփումը հաշվետու համերգի տեսքով էր:

Լուսաբանումը՝

Ուղիղ եթեր 1

Ուղիղ եթեր 2

Նախագիծը՝ «Հորինուկներ» 

Նպատակը՝ Զարգացնել ստեղծագործական երևակայությունը:

Արդյունքը՝ «Հորինուկներ»  ընթերցարան-փաթեթ

Հորինուկներ. ընթերցարան-փաթեթ

Նախատեսված է կրտսեր դպրոցական տարիքի համար:

 

Advertisements

Շարժական բացիկների պատրաստումը որպես նոր մեդիահմտություն

48417329_228815311350622_6988908832890028032_nԴիջիթեքյան հայտ

Հոդվածը՝ «Դպիր»-ում

Կրտսեր դպրոցականին ներկայացվող ՏՀՏ պահանջները հայտնի են: Երրորդ դասարանցին պիտի կարողանա աշխատել ms office word, power point, movie maker խմբագիրներով, ունենա բլոգ ու վարի այն ըստ հրապարակված պահանջներին համապատասխան, գործածի էլեկտրոնային փոստը, օգտվի առցանց բառարաններից ու քարտեզից: Իհարկե, այս հմտությունները սովորողը ձեռք է բերում աստիճանաբար՝ նախագծային-բլոգային ուսուցման շրջանակներում:

Երրորդ դասարանում «Ամանոր» նախագծի շրջանակում սովորողների հետ քննարկեցինք ու որոշեցինք, որ այս տարի սովորական, «անշարժ» տոնական բացիկների փոխարեն պատրաստելու ենք շարժական բացիկներ: Մեզ անհրաժեշտ էր ի մի բերել մեր մեդիաիմացությունները ու սկսել աշխատանքը: Շարժական բացիկ պատրաստելու համար հարկավոր է տիրապետել նկարչական և մոնտաժային որևէ  խմբագրի, բլոգավարությանը:

Շարժական բացիկները պատրաստելիս աշխատել են paint, autodesk sketchbook նկարչական, movie maker և այլ մոնտաժային խմբագիրներով: Իրենց ստեղծած նկարներում դետալների աստիճանաբար ավելացումը իրական իմացումի հրճվանք էր, փոքրիկ հայտնագործություն, որը ոգևորեց շատերին ու նրանք մեկից ավելի բացիկներ պատրաստեցին: Շարժական բացիկներ պատրաստելու ընթացքում սկսեցին սովորել մոնտաժային խմբագիրներով աշխատել, պատրաստված տեսաֆիլմը թողարկել youtub -ում, իսկ հղումը հրապարակել բլոգում: Իհարկե, այս ընթացքում առանց իմ օգնության չէր ստացվի: Եվ առանձին սովորողների հետ աշխատել եմ անհատապես՝ օգնելով ամբողջացնել ու հրապարակել իրենց աշխատանքները:

Շարժական բացիկ պատրաստելու քայլաշար.

  • Որոշել բացիկի թեման, պատկերացնել, թե ինչ բովանդակություն է ունենալու.

Ամանորյա բացիկը արդեն հուշում է թեման, հիմնական դետալները տոնածառը, ձմեռ պապը, ձնեմարդուկն ու ձմռան տեսարաններն էին: Սկզբնական շրջանում այդ ուղղությունը պահպանվում էր բացիկների բովանդակության մեջ, բայց հաջորդիվ սովորողները ներմուծեցին պարային, ժամանակակից Ձմեռ պապի կերպարը, ամանորյա հյուրասիրության, լույսերի միացումն ու անջատումը:

Դիջիթեքյան բացիկ-գովազդները պատրաստելիս նպատակ ունեինք պատկերների միջոցով պատմել, գովազդել դիջիթեքյան ստուգատեսը: Նախապես ուսումնասիրեցինք ստուգատեսի կայքը, հիշեցինք, որ մրցանակներ ենք շահել նախորդ տարիներին, փորձեցինք պատկերացնել, թե ինչ պատկերաշարով ներկայացնենք ստուգատեսը:

  • Որևէ նկարչական խմբագրի կիրառությամբ ստեղծել պատկերաշար.

Սովորողները որևէ նկարչական խմբագրի կիրառությամբ ստեղծում են պատկերաշար՝ աստիճանաբար, դետալներ ավելացնելով նկարի վրա: Սովորողները 10-30 նկար են ստեղծում, որոնք  հավաքվում-պահպանվում են նախապես ստեղծված թղթապանակում:

  • Երաժշտության, տեքստի (վերնագրի) ընտրություն

Սովորողների հետ քննարկել-առանձնացրել ենք երաժշտության փաթեթ, որը նպատակահարմար է, որ հնչի շարժական բացիկներում, թեև սովորողները նաև ընտրելու հնարավորություն են ունեցել: Շարժական բացիկներում հնչում են ծրագրային (ամանորյա) երգեր, դասական երաժշտություն:

Տեքստը (վերնագիրը) կիրառել ենք որպես պատկերաշարը ամբողջացնող դետալ: Բացիկներում մուտքագրել ենք շնորհավորանք, ստուգատեսի անվանում: Բառերի դեպքում էլ փոձել ենք կիրառել աստիճանաբար ավելացող պատկերների, այս դեպքում՝ տառերի, վանկերի հնարքը:

  • Որևէ մոնտաժային խմբագրի կիրառությամբ  շարժական բացիկի պատրաստում.

Movie maker մոնտաժային խմբագրից բացի սովորողները կիրառել են տարբեր մոնտաժային ծրագրեր: Նկարները դասավորել են ըստ ստեղծման հերթականության, ավելացրել են տեքստն ու երաժշտությունը: Ֆիլմը պատրաստելուց հետո հրապարակել են youtub-յան հարթակում, իսկ հղումը հրապարկել են բլոգում:

Այս աշխատանքները ոգևորել էին բոլորը: Այս ուսումնական տարում մեզ միացած սովորողները արագ յուրացրել են մեդիահմտությունները ու հետաքրքիր մոտեցումներ էին ցուցաբերել իրենց աշխատանքերում:

Այս աշխատանքը բացի ՏՀՏ հմտությունները ու կարողությունները զարգացնելուց լուծում է մի շարք մանկավարժական-հոգեբանական խնդիրներ՝

  • ապահովում է համագործակցության, հաղորդակցության ակտիվ միջավայր. սովորողներին երկար ժամանակով կենտրոնացնում է որևէ աշխատանքի վրա, նրանք օգնում, բացատրում են իրար, քննարկում են միմյանց հետ,
  • սովորողները սկսում են ավելի մանրակրկիտ աշխատել, կենտրոնանալով դետալների վրա,
  • սովորողների մոտ ձևավորում է համբերություն, կենտրոնացվածություն, զարգանում է պատկերային ու ստեղծագործական մտածողությունը:

Այս աշխատանքները շարունակական են, դրանք իրենց զարգացումը կունենան հաջորդ նախագծերում:

Հանրակրթական Դիջիթեքին ներկայացնում ենք շարժական բացիկների երկու փաթեթ, որոնք դեռ համալրվում են՝

Ամանորյա շարժական բացիկներ

Դիջիթեքյան բացիկ-գովազդներ

 

Հանրակրթական Դիջիթեք 2018

26755460_1676639079055633_916597789_nՀանրակրթական Դիջիթեք ստուգատեսին մենք ներկայացրել ենք հետևյալ աշխատանքները ստորև նշված անվանակարգերում:

«Դիջիթեքը ընտանիքում», «Դիջիթեքը ինքնակրթության գործիք» անվանակարգեր

Հայտ # 937

Հայտ # 938

Հայտ # 939

«Ուսումնական պարապմունքի, ծրագրի նոր կազմակերպում» անվանակարգ

Հայտ # 654

«Մանկավարժական փորձի տարածման ուսումնական նախագիծ», «Ուսումնական բաց նախագիծ», «Հեռավար ուսուցման հեղինակային նյութերի փաթեթ», «Ուսումնական պարապմունքի, ծրագրի նոր կազմակերպում» անվանակարգեր

Հայտ # 936

Ստուգատեսային հայտեր

16244387_1334711626581715_493559225_nՀանրակրթական Դիջիթեք

Դավիթ Թադևոսյան

Դիջիթեքը ընտանիքում, Առցանց ուսուցման նյութերի փաթեթ անվանակարգեր

Գագիկ Ղազարյան

Դիջիթեքը ընտանիքում, Առցանց ուսուցման նյութերի փաթեթ անվանակարգեր

Վաչե Հովհաննիսյան

Դիջիթեքը ընտանիքում‎, Դիջիթեքը ինքնակրթության գործիք‎, Առցանց ուսուցման նյութերի փաթեթ‎, Ուսումնական բլոգը՝ դասագիրք‎ անվանակարգեր

Գրիգոր Ամիրյան

Դիջիթեքը ընտանիքում, Առցանց ուսուցման նյութերի փաթեթ անվանակարգեր

Միքայել Մարգարյան

Դիջիթեքը ընտանիքում, Առցանց ուսուցման նյութերի փաթեթ

Միքայել Հակոբյան

Դիջիթեքը ընտանիքում անվանակարգ

Ռուզաննա Ներսիսյան

Դիջիթեքը ընտանիքում, Առցանց ուսուցման նյութերի փաթեթ անվանակարգեր

Անահիտ Հարությունյան

«Բզեզ» ռադիոն որպես լրացուցիչ կրթության գործիք

Անահիտ Հարությունյան

Ուսուցչի բլոգը Ուսումնական բլոգը դասագիրք անվանակարգում

Անահիտ Հարությունյան

Այլընտրանքային այբբենարանները որպես ընթերցարաններ Կրթական ծրագրի նոր կազմակերպում‎, Մեդիակրթության նոր գործիքի, միջոցի յուրացում-կիրառում‎, Ուսումնական պարապմունքների նոր կազմակերպում‎ անվանակարգերում

Բնագիտատեխնիկական ստուգատես

Շուրջտարյա բնագիտական գործունեություն անվանակարգ

Բնագիտական գործունեությունն առաջին դասարանում

Ուսուցողական խաղեր անվանակարգ

Դավիթ Թադևոսյան

Գագիկ Ղազարյան

Մարզական ստուգատես

Մարմնամարզական ստուգատես

Լողի ստուգատես

Հեծանվային ստուգատես