«Աշուն» նախագծի ամփոփում

տիգրան«Աշուն» նախագծի շրջանակում սովորողները կատարել են աշնանային դիտարկումներ, անդրադարձել են օրացույցին, եղանակային փոփոխություններին, ստեղծել են նկար-օրացույցներ, պատմել են աշնան մասին, նկարել են աշնանային տեսարաններ, ծառեր, տերև-կերպարներ: Շրջել են աշնանային բակում, հավաքել են աշնանային տերևներ ու պատրաստել են տարբեր կերպարներ: Սովորել են աշնան մասին գրված Համո Սահյանի «Աշուն» բանաստեղծությունը, պատրաստել են մեդիագիրք:

Ստորև ներկայացնում եմ կատարված աշխատանքները՝

 

 

Advertisements

Աշնանային նկար-օրացույց

 

«Աշուն» նախագծի շրջանակում անդրադարձել ենք օրացույցին, ստեղծել ենք սեպտեմբեր, հոկտեմբեր, նոյեմբեր ամսվա օրացույցները, աշնանային եղանակի փոփոխությունները ներկայացրել ենք ըստ եղանակային ամիսների:

Համո Սահյան. Աշուն

«Աշուն» նախագծի շրջանակում սովորողները ստեղծել են Համո Սահյանի «Աշուն» բանաստեղծության մեդիագիրքը:

Տերևանկարչություն

«Աշուն» նախագծի շրջանակում  սովորողների հետ բակում ուսումնասիրել ենք աշունը, այնուհետև թափված տերևներ ենք հավաքել, ու այդ տերևներով տարբեր կերպարներ ենք պատրաստել:

This slideshow requires JavaScript.

Իմ աշունը

46405197_305821290257148_2120202191829467136_n«Աշուն» նախագծի շրջանակում սովորողները պատմում են աշնան մասին՝ ներկայացնելով աշնան տրամադրությունը, բնավորությունն ու գույները, նմանեցնելով ու համեմատելով նրան տարբեր առարկաների, երևույթների ու մարդկանց հետ: Սովորողներն իրենց պատմությունները ստեղծել են ըստ տրված հարցաշարի:

վաչեԱշունը ես շատ եմ սիրում: Այն ուրախ, զվարճալի, տխուր և մի քիչ ցրտոտ է: Իմ աշունը նկարչի նման է: Նա ամեն օր վերցնում է իր նկարչական իրերը և վազում տերևները նկարելու ու ներկելու:  Նրա գույներն են՝  կարմիր, դեղին և նարնջագույն: Աշունն ունի կարմիր մազեր, դեղին աչքեր, նարնջագույն ականջներ, բերան և քիթ:

Հեղինակ՝ Վաչե Հովհաննիսյան

Աշունը շատ գունավոր մի եղանակ է: Այն նման է հինգ գույնանի մի ծիածանի: Աշուն եղանակը լացկան, ուրախ, զայրացած, տխուր եղանակ է: Աշունը, երբ գալիս է, վազում է նկարչական իրերը վերցնում է, գնում է տերևները նկարելու:

Հեղինակ՝ Միքայել Մարտիրոսյան

ռուզանղԱշունը տարվա երրորդ և ամենագեղեցիկ եղանակն է: Աշնանը տերևները դեղնում են: Աշունն ինձ համար նման է մի գեղեցիկ նկարչուհու, որը խաղում է տերևների գույների հետ: Այդ նկարչուհի աշունը ունի կարմրադեղին ու երկար մազեր: Այն սիրում է նկարել և գունազարդել մոլորակը: Աշունն ուրախ տրամադրություն ունի, ժամանակ առ ժամանակ՝ տխուր: Ես սիրում եմ, երբ սկսվում է տերևաթափը:

Հեղինակ՝ Ռուզան Ղուկասյան

գագիկիմԱշունը գունավոր է: Այն նման է նկարչուհու կամ նկարչի: Երբ անձրև է լինում, դա նշանակում է, որ աշունը լացում է: Այն լացկան է, որովհետև շատ շուտ է լացում: Աշունը շատ ընկերներ ունի՝ տերևները և քամին, ամպերը և անձրևը: Իմ աշունը շատ պայծառ է:

Հեղինակ՝ Գագիկ Ղազարյան

Աշունը լացկան է, բայց շատ գեղեցիկ է ու պայծառ: Այն  ծաղիկների ու վարդերի նման է: Աշնան աչքերը միշտ թաց են, միայն այն ժամանակ են ժպտում, երբ արև է: Նրա բնավորությունը նման է անձրևի: Աշունը շատ  է սիրում խաղալ: Երբեմն աշունը ուրախ է, երբեմն՝ տխուր: Նա աղջիկ է և ունի երկար մազեր: Աշունն իմ ընկերն է, ու ես նրա հետ խաղում եմ:

Հեղինակ՝ Սուսաննա Աղաջանյան

Աշունը գեղեցիկ է, ունի գեղեցիկ տերևներ: Այն նման է գեղեցկուհու: Աշնանը տերևները թափվում են ու անձրև է գալիս: Ես սիրում եմ աշնան տերևները:

Հեղինակ՝ Ալիսա Փիլոյան

Իմ աշունը գեղեցիկ է ու նկարչի նման է: Այն թափում է իր տերևները: Աշունը շատ խելացի է, և՛ տխուր է, և՛ ուրախ: Ես աշնանը ամենաշատը սիրում եմ արևը:

Հեղինակ՝ Ալեքս Փայասլյան

Աշունը լացկան է, գունավոր, լուսավոր և գեղեցիկ: Այն նման է թագուհու, ով ունի օգնական ընկերներ՝ քամի, անձրև ու արև: Նա սիրում է հագնել գունավոր շորեր, նրա մազերը գունավոր են՝ դեղին, կարմիր և նարնջագույն: Նա լացկան է, և լացում է այն ժամանակ, երբ անձրև է գալիս: Նա սիրում է իր ընկերների հետ խաղալ և օգնության կանչել նրանց: Աշունը ուրախ է, բայց մեկ-մեկ տխրում է: Ես սիրում եմ աշնան անձրևները, որովհետև նրանք շատ գեղեցիկ են:

Հեղինակ՝ Լիլիթ Աղասարյան

Ես աշնանը ման եմ գալիս: Իմ աշունը շատ սիրուն է: Աշնանը ես խաղում եմ: Ես սիրում եմ աշնան տերևաթափը:

Հեղինակ՝ Սամվել Աղաջանյան

ռուզաԱշունը գեղեցիկ աղջիկ է: Նա նկարչուհի է՝ գունավոր, գեղեցիկ ու սիրուն: Աշունը շատ թիթիզ է ու մի քիչ ցրտոտ է: Այն շատ լավ տրամադրություն ունի: Ես շատ եմ սիրում աշնան անձրևներն ու ծառերի գունավորությունը: Աշնան տերևները շատ սիրուն են:

Հեղինակ՝ Ռուզան Ներսիսյան

տիգրանԻմ աշունը սիրուն է: Նա նման է գունավոր ծիածանի: Աշունը զվարթ է, ուրախ ու գեղեցիկ: Աշունը լացում է, երբ անձրև է գալիս: Ես սիրում եմ աշնան տերևները, նրանք գունավոր են և գեղեցիկ: Ես աշունը շատ եմ սիրում, որովհետև նրանից հետո ձմեռ է:

Հեղինակ՝ Տիգրան Գալստյան

անահիտԱշունը գեղեցիկ ու գունավոր աղջիկ է: Նրա տերևները անընդհատ փոխում են իրենց գույները: Աշունը գեղեցիկ շարժվող ծառ է, և ունի ուրախ տրամադրություն: Ես սիրում եմ աշնան տերևները, որոնք փոխում են իրենց գույները:

Հեղինակ՝ Անահիտ Խաչատրյան

հայկհՄի անգամ աշունն ու քամին բռնոցի էին խաղում: Ձմռանը դա դուր չէր գալիս: «Ես երևի նրանց քշեմ, թե չէ ե՞րբ կվերջացնեն: Ես պիտի կանչեմ փոթորիկին»:

-Փոթորիկ, գնա նրանց մի կողմ քշիր, թե չէ շատ են ինձ խանգարում,-ասաց ձմեռը: Բայց փոթորիկն ասաց, որ մի քիչ էլ սպասեն: Ձմեռը համաձայնվեց:

Հեղինակ՝ Հայկ Հովհաննիսյան

Աշունը բարի է և շատ-շատ գեղեցիկ: Նա նման է բարի ու գեղեցիկ մի աղջկա: Նա լավ տրամադրություն ունի: Ես ամենաշատը սիրում եմ աշնան տերևաթափը:

Հեղինակ՝ Աննա-Մարիա Վարդանյան

Աշունը գունազարդ է: Այն նման է տղայի: Աշունը ամենագեղեցիկ եղանակն է: Նրա բնավորությունը միշտ զվարթ է, իսկ տրամադրությունը բարձր է: Ես աշնան մեջ սիրում եմ անձրևը:

Հեղինակ՝ Էդմոն Սահակյան

Աշունը գունավոր աղջիկ է: Այն ունի գունավոր մազեր ու աչքեր: Աշունը սիրում է քայլել ու լացել: Այն մեկ լացում է, մեկ ուրախանում է: Ես ամենաշատը սիրում եմ աշնան տերևները, անձրևները և մեծ ծառերը:

Հեղինակ՝ Վիկա Հայրապետյան

 

«Ուսումնական աշուն» նախագիծ

44707088_269906760396534_5727144486111281152_nՄասնակիցներ ՝ 3-րդ դասարանի սովորողներ
Տևողությունը ՝ հոկտեմբերի 29ից նոյեմբերի 4
Նպատակը՝ աշխարհաճանաչողության ընդլայնում, սովորածի ամրապնդում:

  1. Երկնքի, լուսնի ուսումնասիրություններ

Կատարի՛ր աստղային երկնքի դիտարկում: Դրա համար ընտրի՛ր այնպիսի օր, որ երկինքը ծածկված չլինի ամպերով, և այնպիսի տեղ, որ էլեկտրական լույսը չխանգարի: Պատմի՛ր:

Մեկ ամսվա ընթացքում դիտի՛ր Լուսնի փուլերը և ուշադրություն դարձրու, թե փոփոխություններ են կատարվում: Ամեն օր լուսանկարի՛ր լուսնին: Պատմիր՛: 

Հեռադիտակով դիտի՛ր Լուսինը: Նկարագրի՛ր, թե ինչ տեսք ունի Լուսինը: Լուսանկարի՛ր: Նկարի՛ր:

Լուսանկարներդ, պատումներդ տեղադրիր բլոգում: Ուղարկիր իմ էլեկտրոնային հասցեին:

2. Ընթերցանություն

Ընտրիր որևէ գիրք կամ ստեղծագործություն: Ընթերցիր: Պատմիր տպավորություններիդ մասին:

3. Աշնանային ֆոտոպատում

Հետևիր բնության աշնանային փոփոխություններին քո շրջապատում (ձեր բակում, այգում կամ բանջարանոցում, գյուղում): Նկարագրիր դրանք, գունեղ ու հետաքրքիր լուսանկարներ նկարիր և տեղադրիր քո բլոգում: