Հեռավար ուսուցման կազմակերպման կարգ
Սովորողներ՝ Արես Մուրադյան (3-րդ դասարան), Արեգ Մուրադյան (1-ին դասարան), Ալեն Բալայան (2-րդ դասարան)
Հեռավար ուսուցման «Ես» նախագծային փաթեթ. մաս 1
Տևողությունը՝ ապրիլի 24 — 30, մայիսի 1-10
Նպատակն ու խնդիրները՝
- ծանոթացում սովորողների հետ.
- բանավոր խոսքի զարգացում.
- մեդիահմտությունների, տեխնոլոգիական հմտությունների զարգացում
Առաջադրանքներ
# 1 /կատարում են Արես, Արեգ Մուրադյանները, Ալեն Բալայանը/
Սովորողը պատմում է իր մասին՝ օգտվելով ստորև ներկայացված հարցաշարից: Պատումը տեսագրվում է /վիդեո/, ուղարկվում է իմ էլեկտրոնային հասցեին՝ anahit.harutyunyan@mskh.am:
Հարցաշար
- Ներկայանալ՝ անուն, ազգանուն, տարիք:
- Նշել, թե որ երկրում, քաղաքում ես ապրում: Ո՞ւմ հետ ես ապրում:
- Ներկայացնել քո օրը, հիմնական անելիքները:
- Ի՞նչ ես սիրում, ի՞նչ չես սիրում:
- Ի՞նչ նախասիրություններ ունես, ինչո՞վ ես զբաղվում:
- Պատմիր սիրելի խաղերի, գրքերի, ֆիլմերի, մուլտերի, զբաղմունքի մասին:
- Ի՞նչ երազանք ունես: Եթե կախարդական փայտիկ ունենայիր, ի՞նչ կանեիր:
# 2 /կատարում են Արես, Արեգ Մուրադյանները, Ալեն Բալայանը/
Համակարգչային paint նկարչական ծրագրում՝ օգտվելով երկրաչափական պատկերների գործիքակազմից՝ նկարիր քեզ, մուտքագրիր քո անուն-ազգանունը: Նկարն ուղարկիր իմ էլեկտրոնային փոստին:
# 3 /կատարում են Արես, Արեգ Մուրադյանները, Ալեն Բալայանը/
Օգտագործելով մատիտներ, յուղամատիտներ կամ ջրաներկ՝ փորձիր ստեղծել քո դիմանկարը: Այս աշխատանքում քեզ կօգնեն հետևյալ տեսանյութերը՝
- տեսանյութ 1. Սովորիր նկարել
- տեսանյութ 2. Ինչպե՞ս նկարել դեմք
# 4
Մաթեմատիկա. 1-ին դասարան /կատարում է Արեգ Մուրադյանը/
Ստորև կցված ֆայլերը ներբեռնիր համակարգչի մեջ: Թղթային առաջադրանքները տպիր և աշխատիր, իսկ էլեկտրոնային առաջադրանքները կատարիր համակարգչում, պահպանիր ֆայլը և ուղարկիր իմ էլեկտրոնային հասցեին: Կատարված աշխատանքները նկարիր և ուղարկիր իմ էլեկտրոնային հասցեին:
- Համրանք
- Համրանք և խմբավորում. էլեկտրոնային
- Համրանք, լաբիրինթոս
- Ներս-դուրս, առաջ-հետ, այնքան-որքան հասկացություններ
- Մեծ-փոքր, բարձր-ցածր հասկացություններ
- Աջ-ձախ հասկացություններ
- Թիվ և քանակ
- Գույներ
- Թիվ և քանակ
Մաթեմատիկա. 2-րդ դասարան, (էլեկտրոնային առաջադրանքներ), կատարում է Ալեն Բալայանը
Կցված ֆայլը ներբեռնել, առաջադրանքները կատարել, պահպանել, ուղարկել իմ էլեկտրոնային հասցեին:
Թեմա՝ Երկնիշ թվեր
Մաթեմատիկա. 3-րդ դասարան (էլեկտրոնային առաջադրանքներ) /կատարում է Արես Մուրադյանը/
Թեմա՝ Եռանիշ թվեր
Ուսուցանող տեսանյութեր՝ /դիտում են Արես, Արեգ Մուրադյանները, Ալեն Բալայանը/
# 5 /կատարում են Արես, Արեգ Մուրադյանները, Ալեն Բալայանը/
Երաժշտական փաթեթ
Ունկնդրել երգը, փորձել սովորել: Բոլոր այն բառերը, որոնք անհասկանալի են, կարող ես բացատրել՝ օգտվելով bararanonline.com հասցեից կամ գրել ինձ: Սովորելուց հետո երգելլ, տեսագրել, տեսագրումն ուղարկել իմ էլեկտրոնային փոստին:
Կոմիտաս. Արև, արև, եկ, եկ
Արև-արև եկ, եկ,
Զիզի քարին վեր եկ,
Սև-սև ամպեր հեռացեք,
Արևին ճամփա բացեք:
Թողեք նա գա մեզ մոտ՝
Նրա լույսին ենք կարոտ.
Կարմիր արև եկ, եկ,
Զիզի քարին վեր եկ:
Արևն հաղթեց ամպերին,
Շողքը գցեց սարերին,
Զիզի քարը տես-տես
Պսպղում է ոսկու պես:
Կարմիր արև եկ, եկ,
Զիզի քարին վեր եկ:
# 6 /կատարում են Արես, Արեգ Մուրադյանները, Ալեն Բալայանը/
Մարզական գործունեություն
Պատմիր քո մարզական նախասիրությունների մասին: Որևէ մարզաձևի հաճախել ես, ի՞նչ հաջողություններ ունես: Լողո՞ւմ ես: Հեծանիվ վարո՞ւմ ես: Առավոտյան մարզվո՞ւմ ես: Ի՞նչ մարզական հնարներ կարող ես ցուցադրել: Պատումը, մարզման ընթացքը տեսագրել: Եթե լողում կա հեծանիվ ես վարում՝ տեսագրել նաև այդ ընթացքը: Տեսագրություններն ուղարկել իմ էլեկտրոնային հասցեին:
# 7 /կատարում են Արես, Արեգ Մուրադյանները, Ալեն Բալայանը/
Օտար լեզուներ /անգլերեն, ռուսերեն/
Ունկնդրել /լսել/ երգը, փորձել սովորել: Սովորելուց հետո, միացնել երաժշտությունը, երգել, ընթացքը տեսագրել: Տեսագրությունն ուղարկել իմ էլեկտրոնային փոստին:
Hi, hello — ողջույն, բարև
I am …. I’m… — Ես եմ: Ես /անունը/ եմ:
Good-bye, bye — ցտեսություն
Դիտիր տեսանյութը: Փորձիր սովորել:
Հեռավար ուսուցման «Ես» նախագծային փաթեթ. մաս 2
# 1 /կատարում է Արեգ Մուրադյանը/
Սովորել հետևյալ ժողովրդական խաղիկը, փորձել անգիր արտասանել ու ձայնագրել: Արտասանելու ընթացքում ցույց տուր մատներդու փորձիր նրանց անունները մտապահել:
ԺՈՂՈՎՐԴԱԿԱՆ ԽԱՂիկ
Բութմատն ասաց`գայլն եկավ,
Ցուցամատն ասաց`որտեղի՞ց եկավ,
Միջնամատն ասաց` սարից եկավ,
Մատնեմատն ասաց` եկեք փախչենք,
Ճկույթն ասաց` ճստլիկ եմ, պստլիկ եմ,
Ոտիկ չունեմ, թևիկ չունեմ,
Ինչպե՞ս փախչեմ:
# 2 /կատարում է Արեգ Մուրադյանը/
Նկարիր ձեռքդ: Բացված մատներով ձեռքդ դիր թղթին ու ուրվագծիր այն: Այնուհետև գունավորիր, կերպավորիր ձեռքի մատներն առանձին-առանձին:
# 3 /կատարում են Արեգ, Արես Մուրադյանները, Ալեն Բալայանը/
Պատրաստել ձեռնոց տիկնիկ: Ընթացքը տեսագրել: Ձեռնոց-տիկնիկին անուն դնել, պատմել նրա մասին: Պատմել նրա անունից: Տեսագրությունն ուղարկել իմ էլեկտրոնային փոստին: Ձեռնոց-տիկնիկ կարող ես պատրաստել օգտագործելով տարբեր նյութեր՝ կտոր, կոճակներ, թելեր: Կերպարն ինքդ որոշիր:
Հուշում՝ տեսադաս
# 4 /կատարում են Արես Մուրադյանը, Ալեն Բալայանը/
Ներբեռնիր ֆայլը, կատարիր առաջադրանքները, էլեկտրոնային փոստով ուղարկիր ինձ:
# 5 /կատարում է Ալեն Բալայանը/
Ներբեռնիր ֆայլը, կատարիր առաջադրանքները, էլեկտրոնային փոստով ուղարկիր ինձ:
# 6 /կատարում է Արես Մուրադյանը/
Ներբեռնիր ֆայլերը, կատարիր առաջադրանքները, էլեկտրոնային փոստով ուղարկիր ինձ:
- 3.10.18
- 8.10.18
- 9.10.18
- 10.10.18
- 14.10.18
- 15.10.18
- 16.10.18
- 17.10.18
- 18.10.18
- 22.10.18
- 23.10.18
- 24.10.18
- 25.10.18
# 7 /կատարում է Արեգ Մուրադյանը/
Թղթային առաջադրանքներ մաթեմատիկայից
Էլեկտրոնային առաջադրանք
# 8 /կատարում են Արեգ, Արես Մուրադյանները, Ալեն Բալայանը/
Ունկնդրել երգը, առցանց բառարանի օգնությամբ բացատրել անհասկանալի բառերը: Սովորել: Երգել ու ձայնագրել: Ձայնագրությունն ուղարկել իմ էլեկտրոնային փոստին:
Կոմիտաս. Փայտե ձիուկ
Տրո՛փ, տրո՛փ, տրո՛փ,
Վազե՛, ձիո՛ւկ, հո՛պ,
Քարեն վեր, Դարեն վեր,
Սիրուն ձիուկ, Դեպի լեռ.
Տրո՛փ, տրո՛փ, տրո՛փ,
Հո՛պ, հո՛պ, հո՛պ:
Տրո՛փ, տրո՛փ, տրո՛փ,
Հո՛պ, հո՛պ, հո՛պ:
Թա՛փ, թա՛փ, թա՛փ,
Գետեն անցիր ափ,
Մի՛ վազեր, Մի՛ կոտրեր,
Կարմիր ձիուկ, Իմ ոտներ.
Թա՛փ, թա՛փ, թա՛փ,
Ա՛փ, ա՛փ, ա՛փ:
Թա՛փ, թա՛փ, թա՛փ,
Ա՛փ, ա՛փ, ա՛փ:
Պռո՛ւ, պռո՛ւ, պռո՛ւ,
Այժմ կեցիր դու,
Ու արի, Կեր գարի,
Գիրո՛ւկ ձիուկ Քաջարի.
Պռո՛ւ, պռո՛ւ, պռո՛ւ,
Դո՛ւ, դո՛ւ, դո՛ւ:
Պռո՛ւ, պռո՛ւ, պռո՛ւ,
Դո՛ւ, դո՛ւ, դո՛ւ:
# 9 /դիտում են Արեգ, Արես Մուրադյանները, Ալեն Բալայանը/
Օտար լեզուներ /ռուսերեն, անգլերեն/
Դիտել մուլտֆիլմը: Ամրապնդել ՛՛Ծանոթություն՛՛ թեման:
Ունկնդրել երգերը, սովորել: Երգել, ձայնագրել, ձայնագրություններն ուղարկել իմ էլեկտրոնային փոստին:
What’s your name? — Ի՞նչ է քո անունը:
My name is… — Իմ անունն է…:
How are you today? — Այսօր ինչպե՞ս ես:
I’m happy. — Ես ուրախ եմ:
I’m sad. — Ես տխուր եմ:
I’m hungry. Ես քաղցած /սոված/ եմ:
# 10 / կատարում են Արեգ, Արես Մուրադյանները, Ալեն Բալայանը/
Դիտել տեսանյութը, սովորել վարժությունները: Յուրաքանչյուր առավոտ մարզվել: Մարզումը տեսանկարել, չմոռանալ լինել համապատասխան մարզական հագուստով: