Արևելյան դպրոցը ձմեռային ճամբարի ընթացքում սկսել էր կառուցել կրթական Բանգլադեշը: Ըստ վիճակահանության՝ յուրաքանչյուր ջոկատ պետք է կառուցեր կրթական հաստատություններից մեկը: Մենք պետք է կառուցեինք ուսումնական Ագարակը: Այն կրթահամալիրի մեր սիրելի վայրերից է, ուր հաճախ ենք այցելում: Տարածքը ծանոթ էր: Հավաքեցինք լեգոները ու սկսեցինք կառուցել:
Month: Հունվարի 2019
Համատեղ ճամփորդական նախագծեր
Ձմեռային ուսումնական ճամբարի ընթացքում Արևելքի երրորդ դասարանցիները միասին ճամփորդել են:
Դասավանդողներ՝ Անահիտ Հարությունյան, Հռիփսիմե Առաքելյան
Մարզական ստուգատես. մարմնամարզություն
Արևելյան դպրոցի երրորդ դասարանցիները յուրաքանչյուր շաբաթ մարզական պարապմունք են անցկացնում մարմնամարզական դահլիճում: Պարապմունքների ընթացքում յուրացրել են ստուգատեսին ներկայացված կարողությունները:
Երրորդ դասարանցին կարողանում է կատարել հետևյալ վարժությունները՝
- Շարք, շարափոխում, դարձումներ տեղում և ընթացքից.
- Կանգ թիակների վրա.
- «Կամուրջ» վարժություն.
- Բատուտի վրա ցատկեր ձեռքերը գոտկատեղին.
- Բատուտի վրա ցատկով նստել և բարձրանալ.
- Ցատկ կամրջակից, կանգնել հենացատկի վրա և արգետնել ներքնակին.
- Քայլք թաթերի վրա գերանի վրայով.
- Գլորում ցատկուղու վրայով
- Գլուխկոնծի առաջ ու հետ ցատկուղու վրայով:
Սահադաշտում
Մարզական ստուգատեսի շրջանակում Արևելյան դպրոցի երրորդ դասարանցիները մեկնեցին Իրինա Ռոդնինայի անվան գեղասահքի դպրոց՝ սահելու: Սովորողների մեծ մասը բավականին լավ սահում էր:
Սովորողներն իրենց տպավորությունների մասին պատմում են իրենց բլոգներում: Կարդացեք՝
28.01-1.02. աշխատանքային նախագիծ
Ուսումնական երկրորդ շրջանի մեկնարկ
Ընթերցանություն
Հայկական ժող. հեքիաթ. Թագավորի որդու առաջին դասերը
Ալբերտ Մորավիա. Երբ մտքերը սառչում են օդում. մաս 1
Մաթեմատիկա. էլեկտրոնային առաջադրանքներ
«Հորինուկներ» ընթերցարան. լրացուցիչ կրթության, ինքնակրթության փաթեթ
Դիջիթեքյան հայտ
Կրթահամալիրում «Կարդում ենք…» նախագիծը շուրջտարյա է: Կրտսեր դպրոցում «Կարդում ենք…» նախագծի շրջանակում սովորողները ոչ միայն կարդում են տարբեր հեղինակների ստեղծագործություններ, այլև հենց իրենք են դառնում ստեղծագործությունների հեղինակներ: Այս նախագծում ծնվեց մի նոր նախագիծ, որը նույնպես շուրջտարյա է ու «Կարդում ենք…» նախագծի բաղկացուցիչ է: «Հորինուկներ» նախագծի շրջանակում սովորողների հետ միասին ստեղծել ենք ամառային ընթերցարան: Աշխատելով ստեղծագործական հնարներով(Ջանի Ռոդարի «Ստեղծագործական երևակայության քերականություն») ուսումնական ողջ տարվա ընթացքում, տարբեր նախագծերի շրջանակում սովորողները ստեղծագործել, հորինել են պատմություններ, որոնք ուսումնական տարվա վերջում հավաքվել են «Հորինուկներ» ընթերցարանում: Իսկ պատմություններին կից ստեղծագործական երևակայությունը խթանող, զարգացնող հարցերի, առաջադրանքների հեղինակը ուսուցիչն է: Այս ընթերցարանը ինքնակրթության արդյունքում ինքնակրթության համար ստեղծված ընթերցարան է, որը կիրառելի է և՝ էլեկտրոնային, և՝ թղթային տարբերակով:
«Հորինուկներ» նախագծի ամփոփումը հաշվետու համերգի տեսքով էր:
Լուսաբանումը՝
Նախագիծը՝ «Հորինուկներ»
Նպատակը՝ Զարգացնել ստեղծագործական երևակայությունը:
Արդյունքը՝ «Հորինուկներ» ընթերցարան-փաթեթ
Նախատեսված է կրտսեր դպրոցական տարիքի համար:
Միասնական կինոդիտում
Հունվարի 22-ին Արևելքի երրորդ դասարանցիները մեկնեցին ճամփորդության դեպի Ռիո Մոլում գտնվող Սինեմա սթար՝ դիտելու կինոֆիլմ՝ «Գրինչը»: Նախապես ուսումնասիրել էինք քարտեզը, անցնելիք փողոցները, մի փոքր զրուցել էինք փողոցների մասին:
Սովորողներն իրենց տպավորությունների մասին պատմել են բլոգում: Կարդացեք՝
Շարժական բացիկների պատրաստումը որպես նոր մեդիահմտություն
Դիջիթեքյան հայտ
Հոդվածը՝ «Դպիր»-ում
Կրտսեր դպրոցականին ներկայացվող ՏՀՏ պահանջները հայտնի են: Երրորդ դասարանցին պիտի կարողանա աշխատել ms office word, power point, movie maker խմբագիրներով, ունենա բլոգ ու վարի այն ըստ հրապարակված պահանջներին համապատասխան, գործածի էլեկտրոնային փոստը, օգտվի առցանց բառարաններից ու քարտեզից: Իհարկե, այս հմտությունները սովորողը ձեռք է բերում աստիճանաբար՝ նախագծային-բլոգային ուսուցման շրջանակներում:
Երրորդ դասարանում «Ամանոր» նախագծի շրջանակում սովորողների հետ քննարկեցինք ու որոշեցինք, որ այս տարի սովորական, «անշարժ» տոնական բացիկների փոխարեն պատրաստելու ենք շարժական բացիկներ: Մեզ անհրաժեշտ էր ի մի բերել մեր մեդիաիմացությունները ու սկսել աշխատանքը: Շարժական բացիկ պատրաստելու համար հարկավոր է տիրապետել նկարչական և մոնտաժային որևէ խմբագրի, բլոգավարությանը:
Շարժական բացիկները պատրաստելիս աշխատել են paint, autodesk sketchbook նկարչական, movie maker և այլ մոնտաժային խմբագիրներով: Իրենց ստեղծած նկարներում դետալների աստիճանաբար ավելացումը իրական իմացումի հրճվանք էր, փոքրիկ հայտնագործություն, որը ոգևորեց շատերին ու նրանք մեկից ավելի բացիկներ պատրաստեցին: Շարժական բացիկներ պատրաստելու ընթացքում սկսեցին սովորել մոնտաժային խմբագիրներով աշխատել, պատրաստված տեսաֆիլմը թողարկել youtub -ում, իսկ հղումը հրապարակել բլոգում: Իհարկե, այս ընթացքում առանց իմ օգնության չէր ստացվի: Եվ առանձին սովորողների հետ աշխատել եմ անհատապես՝ օգնելով ամբողջացնել ու հրապարակել իրենց աշխատանքները:
Շարժական բացիկ պատրաստելու քայլաշար.
- Որոշել բացիկի թեման, պատկերացնել, թե ինչ բովանդակություն է ունենալու.
Ամանորյա բացիկը արդեն հուշում է թեման, հիմնական դետալները տոնածառը, ձմեռ պապը, ձնեմարդուկն ու ձմռան տեսարաններն էին: Սկզբնական շրջանում այդ ուղղությունը պահպանվում էր բացիկների բովանդակության մեջ, բայց հաջորդիվ սովորողները ներմուծեցին պարային, ժամանակակից Ձմեռ պապի կերպարը, ամանորյա հյուրասիրության, լույսերի միացումն ու անջատումը:
Դիջիթեքյան բացիկ-գովազդները պատրաստելիս նպատակ ունեինք պատկերների միջոցով պատմել, գովազդել դիջիթեքյան ստուգատեսը: Նախապես ուսումնասիրեցինք ստուգատեսի կայքը, հիշեցինք, որ մրցանակներ ենք շահել նախորդ տարիներին, փորձեցինք պատկերացնել, թե ինչ պատկերաշարով ներկայացնենք ստուգատեսը:
- Որևէ նկարչական խմբագրի կիրառությամբ ստեղծել պատկերաշար.
Սովորողները որևէ նկարչական խմբագրի կիրառությամբ ստեղծում են պատկերաշար՝ աստիճանաբար, դետալներ ավելացնելով նկարի վրա: Սովորողները 10-30 նկար են ստեղծում, որոնք հավաքվում-պահպանվում են նախապես ստեղծված թղթապանակում:
- Երաժշտության, տեքստի (վերնագրի) ընտրություն
Սովորողների հետ քննարկել-առանձնացրել ենք երաժշտության փաթեթ, որը նպատակահարմար է, որ հնչի շարժական բացիկներում, թեև սովորողները նաև ընտրելու հնարավորություն են ունեցել: Շարժական բացիկներում հնչում են ծրագրային (ամանորյա) երգեր, դասական երաժշտություն:
Տեքստը (վերնագիրը) կիրառել ենք որպես պատկերաշարը ամբողջացնող դետալ: Բացիկներում մուտքագրել ենք շնորհավորանք, ստուգատեսի անվանում: Բառերի դեպքում էլ փոձել ենք կիրառել աստիճանաբար ավելացող պատկերների, այս դեպքում՝ տառերի, վանկերի հնարքը:
- Որևէ մոնտաժային խմբագրի կիրառությամբ շարժական բացիկի պատրաստում.
Movie maker մոնտաժային խմբագրից բացի սովորողները կիրառել են տարբեր մոնտաժային ծրագրեր: Նկարները դասավորել են ըստ ստեղծման հերթականության, ավելացրել են տեքստն ու երաժշտությունը: Ֆիլմը պատրաստելուց հետո հրապարակել են youtub-յան հարթակում, իսկ հղումը հրապարկել են բլոգում:
Այս աշխատանքները ոգևորել էին բոլորը: Այս ուսումնական տարում մեզ միացած սովորողները արագ յուրացրել են մեդիահմտությունները ու հետաքրքիր մոտեցումներ էին ցուցաբերել իրենց աշխատանքերում:
Այս աշխատանքը բացի ՏՀՏ հմտությունները ու կարողությունները զարգացնելուց լուծում է մի շարք մանկավարժական-հոգեբանական խնդիրներ՝
- ապահովում է համագործակցության, հաղորդակցության ակտիվ միջավայր. սովորողներին երկար ժամանակով կենտրոնացնում է որևէ աշխատանքի վրա, նրանք օգնում, բացատրում են իրար, քննարկում են միմյանց հետ,
- սովորողները սկսում են ավելի մանրակրկիտ աշխատել, կենտրոնանալով դետալների վրա,
- սովորողների մոտ ձևավորում է համբերություն, կենտրոնացվածություն, զարգանում է պատկերային ու ստեղծագործական մտածողությունը:
Այս աշխատանքները շարունակական են, դրանք իրենց զարգացումը կունենան հաջորդ նախագծերում:
Հանրակրթական Դիջիթեքին ներկայացնում ենք շարժական բացիկների երկու փաթեթ, որոնք դեռ համալրվում են՝
Ուսումնական ճամփորդություն. զբոսանք Երևանում և կինոֆիլմի դիտում
Մասնակիցներ՝ Արևելյան դպրոցի 3-րդ դասարանցիներ
Օր, ժամ՝ 22.01.2019թ. ժամը՝ 9:40-12:30
Քարտեզը՝
Զբոսանք ձմեռային Երևանով, ֆոտոպլեներ, կինոդիտում «Սինեմա Սթար» կ/թ-ում («Գրինչ»):
Ընթացքը`
- Միասնական քայլք
- Ֆոտոպլեներ
- Ֆիլմի դիտում
Արդյունքում`
Սովորողների ֆոտոշարքերի, պատումների հրապարակում բլոգում, կայքում:
Նոր նախագծի մեկնարկ՝ Երևանի փողողները. իմ սիրելի փողոցը:
21.01-25.01. ճամբարային գործունեության աշխատակարգ
Ձմեռային ուսումնական ճամբարի բովանդակությունը
«Ուսումնական ձմեռ» առաջադրանքների ամփոփում-հրապարակում
Բնագիտական փորձեր տանը և դպրոցում
Ընթերցանություն
«Մաթեմատիկական որոնումներ»
Հայկական ժող. հեքիաթ. Թագավորի որդու առաջին դասերը
Արաբական ժողովրդական հեքիաթ. Աղքատն ու երջանկությունը
Մաթեմատիկա. էլեկտրոնային առաջադրանքներ
Աշխատակարգը ըստ ժամատախտակի
09:00-09:30՝ Առավոտյան ընդհանուր պարապմունք
09:30-13:30՝ Աշխատանք ըստ նախագծերի
13:30-17:00՝ Երկարացված օրվա Նախագծեր Շարունակել կարդալ “21.01-25.01. ճամբարային գործունեության աշխատակարգ”